17:02, 27 Тамыз 2019 | GMT +6
Қазақстанда 2020 жыл Волонтер жылы деп жарияланды
НҰР-СҰЛТАН. ҚазАқпарат - ҚР Президенті Қасым-Жомарт Тоқаевтың Жарлығымен 2020 жыл Волонтер жылы деп жарияланды, деп хабарлайды ҚазАқпарат Ақордаға сілтеме жасап.
Волонтер жылын жариялау туралы
Волонтерлікті дамыту мақсатында ҚАУЛЫ ЕТЕМІН:
- 2020 жыл Волонтер жылы деп жариялансын.
- Қазақстан Республикасының Үкіметі Волонтер жылын өткізу бойынша қажетті шаралар қабылдасын.
- Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.
- Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті Қ. Тоқаев
Нұр-Сұлтан, Ақорда, 2019 жылғы 26 тамыз
№ 135