Қазақстанда 2017 жылдан бастап мектептерде жаңа пән енгізіледі

АСТАНА. 27 мамыр. ҚазАқпарат - Қазақстанның әр мектебінде 2017 жылдан бастап дінтану пәні жүргізілетін болады.

Бұл жайында «Ареал» дін мәселелері жөніндегі ақпараттық қордың жетекшісі Айман Рүстембекова мәлімдеді, деп хабарлайды Altaynews.kz сайты.

«2017 жылдан еліміздің барлық мектептерінде жастардың діни сауаттылығын арттыру мақсатында 9-сыныптан бастап дінтану пәні енгізіледі», - деді қор жетекшісі діни экстремизм мен терроризмге қарсы мемлекеттік бағдарламаның жобасы талқыланған қоғамдық кеңестің отырысында.