+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Қазақстанда 20 қыркүйекте өтетін маңызды шараларға шолу

2019 жылғы 19 қыркүйек 19:58
Бөлісіңіз:
Қазақстанда 20 қыркүйекте өтетін маңызды шараларға шолу

НҰР-СҰЛТАН. ҚазАқпарат - «ҚазАқпарат» халықаралық ақпарат агенттігі Қазақстан қалаларында 20 қыркүйекте өтетін маңызды шаралар шолуын ұсынады.

Ұқсас жаңалықтар
20 қаңтар күні елімізде болатын маңызды шаралар аңдатпасы 19 қаңтар күні елімізде болатын маңызды шаралар аңдатпасы

НҰР-СҰЛТАН

Сағат 08.30-да Назарбаев университетінің Медицина мектебінде «Реабилитология және курортологияның басым бағыттары» атты халықаралық VII ғылыми-тәжірибелік конференция өтеді.

Сағат 09.30-да ІІМ-де Парламент Сенаты депутаттарының ішкі істер органдарын жаңғырту мәселелері бойынша көшпелі отырысы өтеді

Сағат 11.00-де Үкімет үйінде «Тұрғын үйдің қолжетімділігі мен сапасын арттыру: «Нұрлы жер» бағдарламасын іске асыру» тақырыбында ҚР индустрия және инфрақұрылымдық даму бірінші вице-министрі Қайырбек Өскенбаевтың және «Қазақстанның тұрғын үй құрылыс жинақ банкі» АҚ басқарма төрайымы Ләззат Ибрагимованың қатысуымен баспасөз конференциясы өтеді.

Сағат 11.00-де ҚР Ұлттық музейінде өтетін тарих ғылымдарының докторы, профессор Ж.Қ.Таймағамбетовтың Нара Ұлттық мәдени құндылықтарды ғылыми-зерттеу институтымен бірлесіп шығарған «Изучение верхнепалеолитической культуры в Казахстане» атты жаңа кітабының тұсаукесер рәсімі өтеді.

Сағат 11.00-де «QazaqGeography» республикалық қоғамдық бірлестігі базасында Қазақстан биоалуантүрлілікті сақтау қауымдастығы ұйымдастырған «Қызылжемсаулы қарашақаздың ұшу жолы» атты интерактивті жылжымалы көрменің ашылу салтанаты өтеді.

Сағат 14.00-де Конгресс орталығында Мемлекеттік тілдің қолданылу аясын кеңейту және сұранысқа ие болуын арттыру мақсатында Нұр-Сұлтан қалалық соты мемлекеттік органдарда мемлекеттік тілді дамыту мәселелерін талқылау бойынша конференция өткізеді.

Сағат 15.00-де Мемлекеттік қызмет істері агенттігінің елордалық департаментінің платформасында жастар ұйымдарының, квазимемлекеттік сектор, қоғамдық бірлестіктер мен мемлекеттік органдар өкілдерінің қатысуымен «Президенттік кадрлық резерв -болашаққа қадам» тақырыбында форум өтеді.

Сағат 15.00-де «Monte Bianco» қонақ үйінде «Jastar Alany 2019» республикалық дебат турнирінің салтанатты ашылу рәсімі өтеді.

Сағат 15.00-де «Алтын орда» БО-да Сауда және интеграция министрлігінің Тұтынушылардың құқықтарын қорғау комитеті басшылығының «Тұтынушылардың ұлттық лигасы» республикалық қоғамдық бірлестігінің өкілдерімен алғашқы рет кездесуі болады.

Сағат 16.00-де Оқушылар сарайында «Этникалық полифония» этномәдени бірлестіктердің есеп беру концерті басталады. Алғашқы концертті «Вайнах» шешен-ингуш этномәдени орталығы» ҚБ-нің шығармашылық тобы өткізеді. Шараны ұйымдастырушы: Нұр-Сұлтан қаласы Қазақстан халқы Ассамблеясы.

Сағат 17.00-де Үкімет үйінің 15-қабатындағы мәжіліс залында Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның (бұдан әрі - Ұлттық комиссия) кезекті отырысы басталады.

Сағат 18.00-де Бейбітшілік және келісім сарайында «Qazaq Speakers 2019» байқауы өз мәресіне жетеді.

АЛМАТЫ

Сағат 10.00-де С. Ж. Асфендияров атындағы Қазақ ұлттық медицина университетінің Конкордия театрында ҚазҰМУ ректоры, профессор, медицина ғылымдарының докторы Талғат Нұрғожиннің Алматы жұртшылығымен есеп беру кездесуі өтеді.

Сағат 10.00-де «Ғылым Ордасы» РМК Орталық ғылыми кітапханасында құрылыс материалдары саласындағы көрнекті инженер-ғалым, Қазақ КСР-нің еңбек сіңірген құрылысшысы, Қазақстанның мемлекеттік және қоғам қайраткері Бүркімбай Паримбетұлының 90 жылдығына арналған «Қазақстанның XXI ғасырдағы құрылыс индустриясы: жетістіктері мен перспективалары» атты республикалық ғылыми-практикалық конференцияның жалпы отырысы өтеді.

Сағат 10.30-да Tech Garden дербес кластерлік қоры Startup Kazakhstan бағдарламасының үшінші кезеңінің қатысушылары – стартаптарға арналған «Demo Day» финалдық шарасын өткізеді.

Сағат 11.00-де Алматы қаласы бойынша Сыбайлас жемқорлыққа қарсы қызмет ғимаратында брифинг өтеді. Шара барысында азаматтық қоғаммен сыбайлас жемқорлыққа қарсы іс-қимыл мәселелеріндегі өзара іс-қимыл тәсілдері туралы ақпарат жарияланады. Сондай-ақ Қазақстандағы, оның ішінде Алматы қаласындағы сыбайлас жемқорлық жағдайына мониторинг жүргізу бөлігінде әлеуметтік зерттеудің қорытындылары таныстырылады.

Сағат 17.00-де Almaty Art Center-де қазақ халқының ұлттық бірегейлігі мен өзіндік ерекшелігін білдіретін кәдесый және сыйлық өнімдері нарығын ынталандыру мақсатында Алматы брендімен кәдесыйлық қолөнер өнімдері байқауының жеңімпаздарын марапаттау рәсімі өтеді.


Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT