+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Қазақстанда 15 мың адам емделу үшін зейнетақы жинағын алуға өтінім берген

2021 жылғы 18 маусым 20:54
Бөлісіңіз:
Қазақстанда 15 мың адам емделу үшін зейнетақы жинағын алуға өтінім берген

НҰР-СҰЛТАН. ҚазАқпарат - Бірыңғай жинақтаушы зейнетақы қоры қанша салымшының зейнетақы жинағын алғанын мәлім етті, деп хабарлайды ҚазАқпарат.

2021 жылдың 17 маусымындағы жағдай бойынша БЖЗҚ-ға уәкілетті операторлардан тұрғын үй жағдайын жақсарту мақсатында біржолғы зейнетақысын алуға 573 324 (қабылданбағаны – 248 149) өтініш, емделуге 15 450 (қабылданбағаны – 4 108) өтініш келіп түсті.

Инвестициялық портфельді басқарушыларға аударуға 2 472 (қабылданбағаны – 450) өтініш келіп түсті.

Өтінімдердің қабылданбауының себептері:

- Сома дұрыс көрсетілмеген, оның ішінде зейнетақы жинақтарының сомасы артық көрсетілген.

- Жеке табыс салығын (ЖТС) төлеу тәсілін таңдау кезінде алуға сұраныс жасалатын сомалар дұрыс көрсетілмеген.

- Салымшылар алуға болатын сома шегінде емес, зейнетақы жинақтарының бүкіл сомасын көрсетті.

- Өтінімде өзекті емес сомалар көрсетілген, яғни салымшылар инвестициялық табыстың нарықтық ауытқуына байланысты зейнетақы жинақтары сомасындағы өзгерістерді ескермеген.

- «БЖЗҚ» АҚ деректер базасында жеке зейнетақы шоттары және тиісінше зейнетақы жинақтары жоқ тұлғалардан да өтінімдер түскен.

- Салымшылар қайталайтын өтінімдер берген.


Біздің каналымызға жазылыңыз:

Бөлісіңіз:

Автор:

Жанат Қапалбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT