Қолданушы баптаулары
Қолданушы баптаулары
+7 (701) 759 90 19 Лента
USD 378.17 EUR 429.11
RUB 5.88 CNY 56.48
Jańalyqtar

Қазақстанда 13 млн теңге жалақыны кімдер алады

2019 жылғы 29 қаңтар 13:20 1760
Бөлісіңіз:
Қазақстанда 13 млн теңге жалақыны кімдер алады

АСТАНА. ҚазАқпарат - Қазақстанда 2018 жылдың төртінші тоқсанында бір қызметкердің орташа айлық атаулы жалақысы 176 050 теңгені құрады. Бұл жайында ҚР Ұлттық экономика министрлігі Статистика комитетінен мәлім етті, деп хабарлайды ҚазАқпарат тілшісі.

Ұқсас жаңалықтар
Кәсіпорындар қызметкерлеріне 1,7 млрд теңге қарыз - Бердібек Сапарбаев Гүлшара Әбдіқалықова кәсіпкерлерге жұмысшыларының жалақысын өсіруге кеңес берді

Салалық құрылымда ең үлкен атаулы жалақы кен өндіру өнеркәсібі және карьерлерді қазу саласында - 390,4 мың теңге (орташа республикалық деңгейден 2,2 есеге көп), қаржы және сақтандыру қызметінде - 364,7 мың теңге (2,1), кәсіби, ғылыми және техникалық қызметте - 332,5 мың теңге (1,9), ақпарат және байланыс саласында - 261,7 мың теңге (1,5), құрылыс саласында - 227,5 мың теңге (1,3) көлемінде белгіленді.

Ең төменгі атаулы жалақы білім беру қызметкерлерінде - 107,9 мың теңге болды. Бұл республика бойынша орта көрсеткіштен 38,7 пайызға төмен.

Өңірлік бөліністе ең жоғары жалақы Атырау облысында - 320,5 мың теңге. Бұл орташа республикалық көрсеткіштен шамамен 1,8 есеге жоғары. Түркістан облысында жалақы 109,7 мың теңге болды. Бұл ел бойынша орташа деңгейден 37,7 пайызға төмен.

Медиандық мәндегі қызметкерлердің орташа айлық жалақысы біржолға зерттеу қорытындылары бойынша 106 253 теңгені, модальдік мәндегі қызметкерлердің орташа айлық жалақысы 80 021 теңгені құрады.

Статистика комитетінің мәліметіне сәйкес, Қазақстандағы ең жоғары жалақы - 13192,4 мың теңге. Мұндай жалақыны кен өндіру өнеркәсібі, карьерлерді қазу, қаржы және сақтандыру қызметі мен өзге де өңдеу өнеркәсібі түрлері салаларындағы бас директор алады. Ең төменгі жалақы мөлшері - 15,6 мың теңге. Бұл сомадағы айлықты білім беру және мемлекеттік басқару салаларында жинап-тазалаушы қызметкерлер алады.

 

 

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT