+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Қазақстанда 100 дене шынықтыру кешені салынуда

2021 жылғы 18 мамыр 11:41
Бөлісіңіз:
Қазақстанда 100 дене шынықтыру кешені салынуда

НҰР-СҰЛТАН. ҚазАқпарат – Еліміздің өңірлерінде 100 дене шынықтыру-сауықтыру кешенінің құрылысы жүріп жатыр. Бұл туралы ҚР Мәдениет және спорт вице-министрі Ерлан Қожағапанов айтты, деп хабарлайды ҚазАқпарат тілшісі.

Ұқсас жаңалықтар
Бекзат Нұрдәулетов Токио Олимпиадасындағы алғашқы жекпе-жегінде жеңілді Серік Теміржанов Токиодағы Олимпиада ойындарын аяқтады ТОКИО-2020: Боксшы Надежда Рябец бірінші кездесуінде ұтылып қалды
«Бұқаралық спорттың дамуына спорт нұсқаушылары үлкен үлес қосуда. Бүгінгі таңда республикада тұрғылықты жері бойынша 3 мыңнан астам спорт нұсқаушысы жұмыс жүргізуде, оның ішінде ауылдық жерлерде 1 200-ге жуық спорт нұсқаушысы бар», - деді Е. Қожағапанов Мәжілістің Әлеуметтік-мәдени даму комитетінің кеңейтілген отырсында.

Оның айтуынша, еңбек ұжымдарында дене шынықтыру-сауықтыру және спорт жұмысын ұйымдастыру мәселелері үлкен маңызға ие. Бүгінгі күні дене шынықтыру ұжымдарының саны 21 334-ке жетті. Дене шынықтыру және спорт ұжымдарында 130 мыңнан астам спорт секциясы құрылды, онда сабақтармен 5,3 млн адам қамтылды.

Спорттың жай-күйі мен дамуы қажетті спорттық инфрақұрылымның болуына байланысты екені жасырын емес. Осы мақсатта елімізде 41 352 спорт ғимараты жұмыс істейді. Еліміздің өңірлерінде 100 дене шынықтыру-сауықтыру кешенінің (ДСК) құрылысы жүргізілуде, оның 13-і 2019 жылы пайдалануға берілді.

«2020 жылы 14 ДСК пайдалануға берілді, оның ішінде 7 ДСК «Ауыл – Ел бесігі» бағдарламасы бойынша, 10 ДСК аяқталу сатысында», - деді вице-министр.

Бұдан бұрын хабарланғандай, бүгінгі отырыс барысында бұқаралық спорт өңірлердегі көптеген азамат үшін әлі де қолжетімді емес екені айтылды.

Ерлан Қожағапановтың сөзіне қарағанда, былтыр еліміздің дене шынықтыру-спорт қозғалысына 5,9 млн адам қатысқанын айтты.


Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT