Қазақстан «Жібек жолы экономикалық белдеуі» жобасын жүзеге асыруға белсенді түрде қатысатын болады - Н. Назарбаев
Цзиньпинмен келіссөздер барысында осылай мәлімдеді. «Қытай мен Қазақстан елдерінің арасындағы өзара байланыс негізі - экономикалық ынтымақтастық. Өздеріңіз білетіндей, 2013 жылдың қыркүйегінде Астанадағы Назарбаев Университетінің қабырғасында Сіз аса маңызды тарихи дәріс оқып - «Жібек Жолы экономикалық белдеуін» құруға бастама көтердіңіз. Қазақстан экономика, сауда, көлік, инвестиция, қаржы және мәдениет секілді салаларды қамтитын осынау ауқымды жобаны жүзеге асыру жолдарын қарастыруға белсенді қатысуға дайын», - деді Қазақстан Президенті Н.Назарбаев Шанхайда ҚХР Төрағасы Си Цзиньпинмен келіссөздер барысында.
«Университеттегі дәрісіңізде Сіз, осынау 5 ғаламат идеяны алға тарттыңыз, бұлар бізге түсінікті әрі жақын, ал олардың жүзеге асуы өңірде маңызды рөл атқарады. Сіз сонда: «Ғасырларға ұласқан достықты сақтап, бейбітшілік пен татулықта, тату-тәтті көршілер ретінде өмір сүруіміз керек» деп айттыңыз. Біз бұндай саясатты өмірге ұдайы енгізудеміз», - деп атап өтті Елбасы.