Қазақстан Ядролық сынақтарға тыйым салу туралы шарт ұйымы органдарының бірін басқарды

None
None
НҰР-СҰЛТАН. ҚазАқпарат – Қазақстанның өкілі Венадағы Ядролық сынақтарға толық тыйым салу туралы шарт ұйымының (ЯСЖТШҰ) басқару органдарының бірінің басшысы болып сайланды, деп хабарлайды ҚР СІМ баспасөз қызметі.

Қазақстанның Ұлттық ядролық орталығының Бас директоры Эрлан Батырбеков 2021-2024 жылдар аралығында ЯСЖТШҰ «Б» жұмыс тобының төрағасы болды.

Қазақстанның жеңісі күрделі бәсекелестіктің нәтижесі болып, оның барысында Норвегия мен Парагвайдың өкілдері қарусыздану және жаппай қырып-жоятын қаруды таратпау мәселесінде еліміздің сіңірген еңбегі мен дәйекті саясатын мойындап, өз кандидатураларын алып тастады. Бұл ұстаным елімізге әлемде ядролық жарылыстар жүргізу жөніндегі инспекциялық қызметті реттеуге мүмкіндік береді. Барлығы ЯСЖТШҰ халықаралық бақылау жүйесіне әлемнің 185 елінен 302 станция кіреді.

Тәуелсіздіктің және Семей сынақ полигонын жабылуының жылы 30 жылдығында Қазақстанның ЯСЖТШҰ негізгі органдарының бірін басқарғаны символдық сипатқа ие.


Соңғы жаңалықтар