+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Қазақстан волейболшылары Олимпиадаға іріктеу кезеңіне қатысады

2020 жылғы 3 қаңтар 22:21
Бөлісіңіз:
Қазақстан волейболшылары Олимпиадаға іріктеу кезеңіне қатысады

НҰР-СҰЛТАН. ҚазАқпарат - Волейболдан қазақстандық ерлер және қыздар командалары 2020 жылғы Токио Олимпиадасына іріктеу ойындарына қатысады, деп хабарлайды ҚазАқпарат тілшісі.

Ерлер құрамасы 7-12 қаңтар аралығында Қытайдың Цзянмынь қаласында өтетін Азия құрлығынан іріктеу турнирінде бақ сынайды. Қазақстандық волейболшылар А тобында Иран, Қытайлық Тайбэй, Қытай құрамаларымен шеберлік байқасады.

Айта кетерлігі, бүгінгі күнге дейін Қазақстан құрамасы Олимпиадаға бірде-бір мәрте қатысып көрген жоқ. Ал әлем чемпионаты финалдық кезеңінде 2002, 2006 жылдарда сынға түсті.

Қазақстандық құрама 7 қаңтарда Қытаймен алаңға шықса, 8 қаңтарда Иран, 9 қаңтарда Қытайлық Тайбэй құрамаларымен шеберлік байқасады. Азия құрлығы бойынша В тобында Австралия, Оңтүстік Корея, Үндістан және Катар волейболшылары жолдамаға таласады.

Дәл осы күндерде Қазақстанның волейболшы қыздары Таиландтың Накхонратчасима қаласында Азия құрлығынан іріктеу сатысында В тобында Оңтүстік Корея, Иран және Индонезия құрамаларымен ойнайды. Олар 7 қаңтарда Иранмен, 8 қаңтарда Индонезия, 9 қаңтарда Оңтүстік Кореямен шеберлік байқасады. Қазақстан қыздары 2008 жылы Олимпиада ойындарына қатысып, онда жалпы командалық есепте тоғызыншы орын алды. Ал А тобында Таиланд, Қытайлық Тайбэй, Австралия құрамаларымен кездеседі.

Азия құрлығынан іріктеу кезеңі арқылы Олимпиадаға бір жолдама беріледі. Дүбірлі додада барлығы 12 құрам бақ сынайды.


Біздің каналымызға жазылыңыз:

Басты сөздер: Спорт,
Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT