Қазақстан волейболдан әйелдер арасындағы Азия чемпионатын жеңіспен бастады

НҰР-СҰЛТАН. ҚазАқпарат – Бүгін Оңтүстік Кореяда волейболдан әйелдер арасындағы Азия чемпионаты басталды, деп хабарлайды ҚазАқпарат Olympic.kz сайтына сілтеме жасап.

Қазақстан құрамасы құрлық біріншілігі аясындағы алғашқы кездесуін Аустралияға қарсы өткізіп, 3:0 есебімен басым түсті.

Айта кетейік, Қазақстан құрамасы Аустралия, Жапония және Үндістанмен бірге В тобына түскен.

Ертең, 19 тамызда біздің волейболшылар Жапониямен ойнайды.

Турнир 25 тамызға дейін жалғасады.