Қазақстан уран өндіру көлемін қысқартты
«Газ өндіру көлемі 18,7 млрд текше метрді құрады. Яғни, 2017 жылдың сәйкес кезеңіне қарағанда 6 пайыздан астамға өсім көрсетті. Газдың экспорт көлемі 6,7 млрд текше метрді құрады. Бұл былтырғы сәйкес кезеңмен салыстырғанда 24,1 пайызға жоғары. Осы жылдың 4 айының ішінде сұйытылған мұнай газының өндірісі 1,24 млн тоннаны құрады. Яғни, өткен жылдың сәйкес кезеңіне қарағанда, 3,5 пайызға артты»,- деді министр.
Оның айтуынша, мұнай битумы өндірісі 187 мың тоннаға жетіп, өткен жылдың 4 айымен салыстырғанда 65 пайыз өсім көрсеткен. 12 мың тонна битум экспортқа шығарылды.
«Электр энергиясын өндіру көлемі 38 млрд кВт/сағатты құрады. Бұл өткен жылдың сәйкес кезеңіне қарағанда 8 пайыз артық. Көмір өндіру көлемі 36,8 млн тоннаны құрады. Өткен жылдың сәйкес кезеңімен салыстырғанда 3 пайыздан астамға көп. Ішкі нарыққа 26,8 млн тонна көмір жеткізілді және 8,6 млн тонна экспортқа шығарылды. Уран өндіру көлемі шамамен 7 137 тоннаны құрады. Бұл 2017 жылдың сәйкес кезеңінде өндірілген уранның 96,8 пайызы. Бұл көрсеткіштің төмендеуі уранның әлемдік нарықтағы бағасына байланысты»,- деді Қанат Бозымбаев.