«Қазақстан темір жолының» үш қызметкері вагоннан астық ұрлаған
Ақпартқа сәйкес, қылмыс биылғы тамыз айында Қостанай облысында болған.
«ҚТЖ-Жүк тасымалы» ҰК» АҚ Қостанай бөлімшесі филиалының қызметкерлерінің бірі Қарасу ауданы Қойбағор станциясында күзетке қойылған вагоннан астық ұрлауға бекінген», - деп жазады департаменттің баспасөз қызметі.
«Идея авторы» тағы екі әріптесін көмекке шақырған.
«Түнде қылмыскерлер жүк көлігін вагондардың бірінің төменгі люгіне тақап, оған 85 қап астықты тиеген. Бұл шамамен 6 тонна деген сөз. Шығын 850 мың теңгеден асты. Ұрланған астық бірден сатылған. Қостанай станциясындағы желілік полиция бөлімінің қызметкерлері қылмыстың ізін суытпай ашты. 35-50 жас аралығындағы үш қызмектер қолға түсті», - дейді Көліктегі полиция департаментінің өкілдері.
Сақшылар күдіктілердің кінәсін заттай айғақтар мен куәгерлер берген мәлімет негізінде дәлелдеп шыққан.
«Қараша айының соңында Қостанай облысының Қарасу аудандық соты ҚР Қылмыстық кодексінің 188-бабы 3-бөлігінің 3-тармағы бойынша үкім шығарып, әрқайсысын 3 жыл 6 ай мерзімге бас бостандығын шектеу түрінде жаза тағайындады», - делінген ресми мәліметте.