Валюта бағамдары:
    usd/kzt 477.54 eur/kzt 476.11

    rub/kzt 7.95 cny/kzt 68.05
Ауа райы:
Нұр-Сұлтан: +12+14℃
  Jańalyqtar  >

Қазақстан спортшылары Исламиаданы бесінші орынмен аяқтады

2022 жылғы 19 тамыз 01:50

НҰР-СҰЛТАН. ҚазАқпарат - Түркияның Конья қаласында Ислам ынтымақтастығы ойындары мәресіне жетті, деп хабарлайды ҚазАқпарат тілшісі.

Биылғы додаға 55 елден спортшылар келді. Ойындар 8 тамызда басталып, 18 тамызда аяқталды.

Бесінші мәрте жалауын желбіреткен дүбірлі додада қазақстандық спортшылар 89 медаль еншіледі. Оның ішінде 27-і алтын, 23-і күміс, 39-ы қола.

Жалпы командалық есепте Түркия, Өзбекстан, Иран және Әзербайжан құрамалары алғашқы төрт орынды өзара бөлісті.

Ислам ынтымақтастығы ойындары 2005 жылдан бері тұрақты өткізіліп келеді. Биыл бесінші мәрте жалауын желбіретті.

Айта кетсек, жарыстың соңғы күнінде кикбоксингтен Берік Ысқақов (63,5 келі) «алтын» алды.

Оған қоса Батырхан Қуандықов (63,5 келі), Нұрдәулет Қалшора (57 келі), Шара Хамзина (60 келі) қола жүлдегер атанды.

Ал каратэ-додан София Безрульцева чемпион атанды.


Автор:

Әділжан Үмбет

Новости по теме
Ұқсас жаңалықтар
Серіктестер жаңалықтары