+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Қазақстан шетелдік талантты жастарға Назарбаев Университетінде оқуға гранттар ұсынады

2014 жылғы 23 мамыр 13:50
Бөлісіңіз:
Қазақстан шетелдік талантты жастарға Назарбаев Университетінде оқуға гранттар ұсынады

АСТАНА. ҚазАқпарат - Қазақстан Назарбаев Университетінде Орталық Азия мен басқа да елдердің талантты жастарын оқытуға гранттар ұсынады. Бүгін Астанада өтіп жатқан VII Астана экономикалық форумы мен II Дағдарысқа қарсы дүниежүзілік конференцияның жалпы отырысында сөз сөйлеген ҚР Президенті Нұрсұлтан Назарбаев осылай мәлім етті.

Сөз арасында Мемлекет басшысы «Кедейлікті жою» жол картасының әзірленетініне тоқтала келе, бұндағы басты құрал ретінде адамға инвестицияны, инфрақұрылым мен бизнесті дамытуды атап өтті.

«Қазақстанда бұл бағытта үлкен оң тәжірибе қалыптасты. 2000 жылдың басындағы еліміздің экономикалық өсім қарқыны үдей түскен шақта, ел азаматтарының дәулеттілігін қалай трансформациялаймыз деген мәселемен бетпе-бет келдік. Екінші жағынан, біз жұртшылықты әлеуметтік қолдаудың айтарлықтай мүмкіндігіне ие болдық. Біз адами капиталға инвестицияны таңдадық, әрине бұның тимділігі тез сезілмегенімен, ел өміріндегі сапалы өзгерістерге қол жеткіздік», - деді Елбасы Н. Назарбаев.

Сонымен қатар, Мемлекет басшысы осы бағытта «Болашақ» бағдарламасы қолға алынғанын, оның аясында 10 мыңдаған жастар, оның ішінде аз қамтылған отбасының талантты балалары әлемнің жетекші оқу орындарында білім алғанын алға тартты.

«Біз білім беру мен денсаулық сақтау жүйесіне, әлеуметтік инфрақұрылымдарға айтарлықтай инвестиция бағыттаудамыз. Қазақстандықтардың өмір сүру жасы соңғы 7 жылда 4,5 жылға артты. Біз жұртшылықтың кедейлік деңгейін 13 есеге дейін азайттық. Сонымен қатар, біз табыстар бойынша халықтың аражігі айтарлықтай ажырап кетуіне жол бермедік. Сондықтан да, бүгінгі күні біз осы бағыттағы тәжірибені өңірдегі мемлекеттермен бөлісуге дайынбыз. Соның ішінде Назарбаев Университетінде Орталық Азия мен басқа да елдердің талантты жастарын оқытуға гранттық бағдарламалар ұсына аламыз», - деді ҚР Президенті.

Біздің каналымызға жазылыңыз:

Бөлісіңіз:

Автор:

Қанат Мәметқазыұлы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT