Қазақстан-Ресейдің 3 млрд доллар болатын 9 ірі жобасы іске асырылуда - Үкімет
2022 жылғы 4 шілде 18:36

Қазақстан-Ресейдің 3 млрд доллар болатын 9 ірі жобасы іске асырылуда - Үкімет

НҰР-СҰЛТАН. ҚазАқпарат - Премьер-Министр Әлихан Смайылов XII «ИННОПРОМ» халықаралық өнеркәсіптік көрмесінің экспозициясымен танысып, ашылуына қатысты, деп хабарлайды ҚазАқпарат ведомствоның Телеграм-арнасына сілтеме жасап.

«Өнеркәсіптік ауысу: сын-қатерлерден жаңа мүмкіндіктерге» тақырыбындағы көрме Екатеринбург қаласында 4-7 шілде аралығында өтеді.
ҚР Үкіметінің басшысы Қазақстаннан келген делегаттар үшін осы алаңда кездесіп, өнеркәсіпті дамыту перспективаларын талқылау, сындарлы ұсыныстар мен пікір алмасу, көптеген мәселелер бойынша өзара қолайлы шешімдерге қол жеткізу игі дәстүрге айналғанын атап өтті.
«Елдеріміз арасындағы өнеркәсіптік кооперация саласындағы ынтымақтастықтың жоғары қарқынын ерекше атап өткім келеді. Бұған Қазақстан-Ресей өндірістік кооперациясы саласындағы Бірлескен іс-қимыл бағдарламасын іске асыру айтарлықтай серпін берді» , - деді Әлихан Смайылов.
Осылайша, жеңіл автомобильдер, электровоздар мен тракторлар өндірісін қоса алғанда, $450 млн-ға жуық сомаға 13 ірі жоба бірлесіп іске асырылды. Жалпы құны $3 млрд болатын тағы 9 ірі бірлескен жоба іске асырылу сатысында.
Әлихан Смайылов Қазақстан мен Ресей ғылыми-техникалық, инновациялық және өндірістік салалардағы кооперацияға бағытталған жаңартылған технологиялық базаны құру бойынша өзара іс-қимыл жасай бастағанын еске салды.
Үкімет басшысының айтуынша, бұл үшін Қазақстанда өнеркәсіптің өсуін ынталандыру бойынша қажетті құқықтық және институционалдық негіз, оның ішінде шикізаттың жеткілікті көлемімен қамтамасыз ету тетігі мен ұзақ мерзімді шарттардың құралы бар.

Ұқсас жаңалықтар

Jańalyqtar

Үрдіс

MURAǴAT