Валюта бағамдары:
    usd/kzt 477.98 eur/kzt 488.93

    rub/kzt 7.93 cny/kzt 70.82
Ауа райы:
Нұр-Сұлтан: 1 °С
Алматы: 15 °С

Қазақстан Ресей мен Беларусь жүк тасымалдаушыларының қызметіне шектеу қоймайды –министрлік

2022 жылғы 1 маусым 07:23

НҰР-СҰЛТАН. ҚазАқпарат - ҚР Индустрия және инфрақұрылымдық даму министрлігі Ресей және Беларусь жүк тасымалдаушыларына қатысты қабылданған шешім туралы мәлім етті, деп хабарлайды ҚазАқпарат.

Министрлік ақпаратына сәйкес, халықаралық автомобиль тасымалы саласындағы әлемдік тәжірибеге сәйкес, ұлттық автомобиль тасымалдаушылардың мүдделерін қорғау мақсатында ішкі заңнамада үшінші елдерге/елдерден жүк тасымалына шектеулер енгізіледі, оның ішінде «қайта тиеу» бойынша.

Қазақстанда аталған талаптар 2017 жылы Инвестициялар және даму министрлігінің «Қазақстан Республикасында халықаралық қатынаста автомобиль тасымалдарының рұқсат беру жүйесін қолдану қағидаларын бекіту туралы» бұйрығымен енгізілген.

Осы талаптарды бұзғаны үшін Қазақстан Республикасында 200 АЕК (автокөлік құралдарының жүргізушілеріне) және 500 АЕК (заңды тұлғаларға) мөлшерінде әкімшілік айыппұл қарастырылған. Бұл ретте, «қайта тиеуге» тыйым салатын талаптар шетелдік тасымалдаушылармен қатар қазақстандық тасымалдаушыларға да бірдей дәрежеде қолданылады.

Осыған ұқсас талаптар Ресей Федерациясында РФ Көлік министрінің 2015 жылғы 14 қазандағы № 301 бұйрығымен және «Үшінші мемлекеттердің жүктерін халықаралық автомобиль тасымалдарын орындау ерекшеліктерін бекіту туралы» РФ Көлік министрлігінің 2020 жылғы 28 шілдедегі № 259 жаңа бұйрығында белгіленген болатын. Ресей Федерациясында осы норманы бұзғаны үшін 150 000 рубль көлемінде айыппұл қарастырылған.

«Айта кетерлігі, қазіргі таңда орын алған геосаяси жағдайға байланысты өткен жақын күндері ресей және беларусь уәкілетті органдары қазақстандық тарапты хабардар етпестен, 2023 жылдың 1 қаңтарына дейін «қайта тиеуге» тыйым салу туралы талаптың күшін тоқтатты.

Осыған байланысты Қазақстанда «қайта тиеуге» тыйым салу туралы талап қолданыста екенін айта кеткен жөн.

2022 жылғы 30 мамырда Қазақстан мен РФ Үкімет басшыларының кездесуі барысында «қайта тиеуге» тыйым салу талаптарының әрекет етуін тоқтата тұру туралы хабарламаны талқылағаннан кейін, Қазақстан тарапы түсіністік танытып, орын алған жағдайды тиімді шешуді ұсынды. «Қайта тиеуге» тыйым салу туралы талап келесі жылдың басына дейін беларусьтік және ресейлік тасымалдаушыларға да қатысты қолданылмайды», - делінген ҚР ИИДМ мәлімдемесінде.

Қазіргі таңда Қазақстан мен Ресей Федерациясының құзыретті мемлекеттік органдары мен ұйымдары тиісті консультациялар жүргізіп жатыр. Олардың нәтижелері бойынша өзара қолайлы шешімдер қабылданатын болады.

«Осы ретте Қазақстан Республикасының заңнамасында үшінші елдерге/елдерден халықаралық автомобиль тасымалдары кезінде қайта тиеуді жүзеге асыру мүмкіндігіне шектеу қойылмайды. Аталған мақсаттарда рұқсат беретін арнайы құжат алу қажет.

Бүгінде Қазақстан Республикасында Қазақстаннан Еуропа елдеріне жүк тасымалдауды қамтамасыз ететін 40-қа жуық компания тіркелген. Онда көлік құралдарының жалпы паркі 3 мың бірлікті құрайды», - деді министрліктен.


Новости по теме