11:01, 08 Қазан 2022 | GMT +6
Қазақстан-Ресей мемлекеттік шекарасын демаркациялау жөніндегі комиссия отырысы өтті
АЛМАТЫ. ҚазАқпарат – Алматы қаласында Қазақстан-Ресей бірлескен демаркациялық комиссиясының кезекті отырысы өтті. Бұл туралы ҚР Сыртқы істер министрлігінен мәлім етті, деп хабарлайды ҚазАқпарат.
Қазақстан-Ресей бірлескен демаркациялық комиссиясының жүз жиырма екінші отырысы 3-7 қазанда Алматы қаласында өтті.
«Тараптар Қазақстан-Ресей мемлекеттік шекарасын демаркациялаудың қорытынды құжаттарының жобаларын қарастыруды және бекітуді жалғастырды, 2023 жылға арналған камералдық жұмыстар жоспарын бекітті, сондай-ақ алдағы жылы далалық жұмыстар жоспарын талқылады.
Комиссияның келесі отырысы 2022 жылдың қарашасында Ресей Федерациясының аумағында өтеді», - делінген мәліметте.