Қазақстан ПТР диагностикамен қамту бойынша әлемде 37-орында тұр
«Қазақстанда 11 тамызға 100 164 науқас тіркелген. Оның ішінде 25 171 науқас ем алып жатыр. 73 702 пациент немесе 73,6 пайызы емделіп шықты. 1 091 адам қайтыс болды. Вирус репродуктивтілігінің немесе 1 науқастың өзгелерге жұқтыру көрсеткіші 1,72 болатын. Карантин енгізгеннен кейін репродуктивтілік көрсеткішінің тұрақты түрде төмендеген көріп отырмыз. Ол 2 есеге, яғни 0,82-ге дейін төмендеді», - деді министр.
Оның атап өтуінше, ел басшылығының жан-жақты және дер уақытында қолдау көрсетуі қымбатқа түсетін диагностикалаумен науқастарды қамтуды кеңейтуге мүмкіндік берді. Бүгінде Қазақстан ПТР диагностикамен қамту бойынша әлемде 37-орында тұр.
«Елдегі ауырғандар көрсеткіші өзгертіліп, тіркелген жағдайлар саны артты. Қазіргі уақытта Қазақстан әлемде 43-орында тұр. Анықталған пациенттердің дер уақытында өзін-өзі оқшаулауы, амбулаториялық және стационарлық емдеумен қамту, сонымен қатар байланыста болған адамдарды бақылауға алу аурудың таралуын тежеуге, жағдайы ауыр науқастарды бақылауға алуға мүмкіндік берді. Қазақстан дер уақытта диагностикалаудың нәтижесінде Covid-19-дан қаза тапқандар көрсеткіші бойынша 70-орында тұр», - деді ол.