Қазақстан Президенті Рыбакинаны тарихи жеңісімен құттықтады
21:32, 09 Шілде 2022
НҰР-СҰЛТАН. ҚазАқпарат - Президент Қасым-Жомарт Тоқаев Елена Рыбакинаны тарихи жеңісімен құттықтады, - деп хабарлайды ҚазАқпарат.
«Қазақстандық теннисші Елена Рыбакина ең беделді Уимблдон турнирінде тарихи жеңіске жетті. Спортшымызды шын жүректен құттықтаймын!» - деп жазды Президент Twitter-дегі парақшасында.
Еске салайық, бүгін, 9 шілдеде қазақстандық теннисші Елена Рыбакина «Уимблдон» финалында әлемнің екінші ракеткасы тунистік Онс Жабермен ойнап, жеңіске жеткенін хабарлағанбыз. Бұған дейін бірде-бір қазақстандық теннисші мұндай белесті бағындырып көрмеген.