+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Қазақстан Президенті көрші елдермен тиімді қатынас туралы айтты

2020 жылғы 16 ақпан 02:22
Бөлісіңіз:
Қазақстан Президенті көрші елдермен тиімді қатынас  туралы айтты

МЮНХЕН. ҚазАқпарат – Мюнхен қауіпсіздік конференциясында Қасым-Жомарт Тоқаев көршілес елдермен өзара тиімді қарым-қатынас туралы айтты, деп хабарлайды ҚазАқпарат тілшісі.

Ұқсас жаңалықтар

«Жер көлемі бойынша тоғызыншы орындағы Қазақстан Республикасы туралы айтатын болсақ, Қытай мен Ресейдің ортасында орналасу – мүмкіндік. Біз екі елмен көршілес болу арқылы көптеген мүмкіндікке ие болдық. Сонымен бірге, Орталық Азияның көп бөлігін иемдену де географиялық ерекшелік. Менің ойымша, Орталық Азия өзінің геосаяси маңызын жоғалтпайды», - деді Мемлекет басшысы «Географиялық орналасудың маңызы: Орталық Азиядағы қазіргі жағдай» тақырыбындағы өткен панельдік пікірталас кезінде.

Осы орайда, Халықаралық қатынастар кеңесінің президенті Ричард Хаас Қазақстан Президентінен Қытай мен Ресей туралы пікірін сұрады.

Бұл тұрғыда Қасым-Жомарт Кемелұлы Қытай экономикалық тұрғыда өте жақсы серіктес екенін жеткізді.

«Ал Ресей туралы айтатын болсақ, экономикалық дамуында біраз кідіріс бар. Қазақстан мен Ресей ең ұзын шекараға ие. Біздің серіктестігіміз Қазақстан үшін пайдалы болып, одан әрі жалғаса береді деген сенімдемін», - деді Мемлекет басшысы.

Бұған дейін хабарланғандай, 14 ақпанда Мемлекет басшысы Қасым-Жомарт Тоқаев Германияның Мюнхен қаласына екі күндік жұмыс сапарымен келді.

Мюнхен қауіпсіздік конференциясында Президент көршілес елдермен өзара тиімді қарым-қатынас туралы айтты.

Айта кетейік, ҚР Президентінің кеңесшісі Ерлан Қарин Мюнхен конференциясында Орталық Азиядағы процестерге ерекше назар аударылғанын жеткізді.



Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT