+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

Қазақстан полициясы қоғамда тәртіпті сақтау үшін іске волонтерларды тартқалы отыр

2019 жылғы 19 қараша 15:20
Бөлісіңіз:
Қазақстан полициясы қоғамда тәртіпті сақтау үшін іске волонтерларды тартқалы отыр

НҰР-СҰЛТАН. ҚазАқпарат – Ішкі істер министрлігі қоғамда тәртіпті сақтап, жоғалып кеткендерді іздеу жұмысына волонтерларды тартқалы отыр, деп хабарлайды ҚазАқпарат тілшісі.

Ұқсас жаңалықтар
Қасым-Жомарт Тоқаев волонтерлік жұмыстардың негізгі бағыттарын атады Қаңтардан бастап студенттер мен магистранттардың шәкіртақысы өседі Жастар кәсібін дамытуға бюджеттен қосымша 5 млрд теңге бөлінеді

«Қазақстан Республикасы Президентінің Жарлығымен 2020 жыл - «Волонтерлар жылы» болып жарияланғаны белгілі. Қазақстандық полиция халықтың белсенділерін қоғамдық тәртіпті сақтау шараларына, оның ішінде бірлесіп патруль жүргізу және із-түзсіз жоғалғандарды іздеу үшін арнайы құқықтық топтар құру арқылы тартуды жоспарлап отыр. Полициямен бірге жұмыс істейтін еріктілер арнайы күртешелермен, байланыс үшін радиостансалармен қамтылады», - деп хабарлайды ІІМ-нен.

Қоғамды, оның ішінде еріктілер қозғалысын құқық қорғау, іздестіру қызметіне тарту және учаскелік полиция инспекторларына қылмыстың алдын алуға көмектесу бойынша министр Ерлан Тұрғымбаевтың бастамасы барлық аймақта жүзеге асырылмақ. Қазіргі уақытта министрлік жоғары оқу орындарымен және жастар ұйымдарымен келіссөз жүргізуде.

«28-ші қысқы қысқы Универсиада-2017 кезінде (3 мың адам), сондай-ақ EXPO-2017 Халықаралық мамандандырылған көрмесі (1 500 адам) өткен тұста ішкі істер органдары еріктілермен өзара іс-қимыл жүргізудің оң тәжірибесін жолға қойған еді. Халықаралық іс-шаралар өткізілгенде еріктілер нысандарға таратылған болатын. Волонтерлар меймандармен жұмыс жүргізу дағдысын үйренді. Ауысым алдында әртүрлі өмірлік жағдайлар мен заңсыз әрекеттер кездескенде кездегі әрекет ету нұсқаулығы үйретілген еді. Полиция мен еріктілердің бірлескен күш-жігерінің арқасында қылмыстар мен құқықбұзушылықтардың жолы кесілді», - делінген хабарламада.

Министрліктің хабарлауынша, қазірдің өзінде волонтерлар жоғалған балалар мен қарттарды іздеу, резонансты қылмыстарды ашу ісіне белсене араласып, әртүрлі жағдайда көмек қолын созуда.

«Мәселен, жергілікті еріктілер полицияға Қарағанды облысының Шет ауданында қыркүйекте ұрланған баланы табуға көмектесті. Қостанай облысында полиция мен еріктілердің бірлескен жұмысының арқасында жоғалған 20-дан астам адам табылды. Олардың арасында балалар мен жасөспірімдер де бар. Волонтерлар сонымен қатар, есірткі сайттарының атаулары тұрған жазаларды өшіруге көмектесіп, есірткі қылмыстарымен күресте үлестерін қосып келеді», - деп хабарлайды министрліктен.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT