Қазақстан Пәкістанмен әскери ынтымақтастық мәселелерін талқылады

НҰР-СҰЛТАН. ҚазАқпарат – ҚР Қорғаныс министрлігінде Халықаралық ынтымақтастық департаментінің бастығы полковник Олжас Құсайынов Қазақстан Республикасындағы Пәкістан Ислам Республикасының Әскери атташесі бригадалық генерал Ясир Наваз Жанжуамен кездесу өткізді, деп хабарлайды ҚазАқпарат.

Министрліктің баспасөз қызметінен мәлім еткендей, тараптар бірлескен оқу-жаттығуларды өткізуге, әскери білім беру және бітімгершілік дайындық саласындағы өзара іс-қимылға қатысты әскери ынтымақтастықтың даму көкжиегін талқылады.