+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Қазақстан өз экономикасының жаһандық және өңірлік жүйеге интеграциялануына мүдделі

2014 жылғы 22 мамыр 11:35
Бөлісіңіз:
Қазақстан өз экономикасының жаһандық және өңірлік жүйеге интеграциялануына мүдделі

АСТАНА. ҚазАқпарат - Қазақстан отандық экономиканың жаһандық және өңірлік жүйесіне интеграциялануына мүдделі.

Бүгін елордада жалғасып жатқан Астана экономикалық форумы аясындағы дөңгелек үстел жиынында ҚР Экономика және бюджеттік жоспарлау вице-министрі Тимур Жақсылықов осылай мәлім етті.

Вице-министр сөз арасында еліміздің өңірлік ынтымақтастық мәселесіне үлкен көңіл бұрып отырғанын атап өтті. Оның айтуынша, бүгінгі заманауи халықаралық үдерістердің дамуы жағдайында Қазақстан отандық экономиканың жаһандық және өңірлік жүйесіне интеграциялануына мүдделі. Осыған орай, Т. Жақсылықов Орталық Азия мемлекеттері жаһандық және өңірлік экономика мен саясаттың өзекті мәселелерін талқылау үшін диалогтық алаң қалыптастыруына болатынын, сосын барып өңірлік экономикалық кооперация бағытында алға жылжуға мүмкіндік туатыны жайлы пікірін ортаға салды. Оның сөзіне қарағанда, бұндай бірлескен кооперацияның оңды нәтижелері басымырақ болуы да ықтимал.

«Жалпы, бүгінгі таңда сауданың негізгі бөлігі дамушы Азия мен дамыған Еуропаға шоғырланған. Бұл шамамен әлемдік экспорттың 70 пайызын құрайды. Ал Американың дамушы экономикасына жалпы алып қарағанда экспорттың 17 пайызы тиесілі болса, өтпелі экономика үлесі шамамен 4,4 пайызды құрайды. Алайда, жаһандық сауда мен жаһандық экспорт динамикасын негізінен Азиядағы және посткеңестік Еуразиядағы өңірлік одақтар айқындап отыр», - деп пайымдайды вице-министр.

Сонымен қатар, сөз арасында Қазақстанның былтырғы жылғы даму көрсеткіштеріне тоқталған Т. Жақсылықов, ел Үкіметінің бизнес-климатты жақсартуға қатысты шараларын да тілге тиек етті. Бұндай қадамның өзі Қазақстанның әлемдік экономикаға ықпалдасуына көп жәрдем болмақ.

Біздің каналымызға жазылыңыз:

Бөлісіңіз:

Автор:

Қанат Мәметқазыұлы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT