Қазақстан ОПЕК+ келісімі бойынша тәулігіне 1,655 млн баррель мұнай өндірмек
19:08, 05 Мамыр 2022
НҰР-СҰЛТАН. ҚазАқпарат – Бүгін ОПЕК+ келісіміне қатысушы елдердің министрлік отырысы бейнеконференция форматында өтті. Бұл туралы ҚазАқпарат Энергетика министрлігіне сілтеме жасап хабарлайды.
Отырысқа Қазақстан атынан Энергетика министрі Болат Ақшолақов қатысты.
Отырыс барысында наурыз айында келісім тараптарының міндеттемелерді орындауы талқыланды.
Отырыс қорытындысы бойынша шектеулерді толық алып тастағанға дейін ОПЕК+ елдерінің ағымдағы өндіру деңгейін ай сайын тәулігіне 432 мың баррельге арттыруды жалғастыру туралы шешім қабылданды.
2022 жылғы маусымдағы міндеттемелер тәулігіне 1,655 млн баррельді құрайды.
Асыра орындалған көлемдерді өтеу кезеңі 2022 жылғы маусымның соңы болып қалады.