Қазақстан ОПЕК+ келісімі бойынша мұнай өндіру көлемін ұлғайтады

НҰР-СҰЛТАН. ҚазАқпарат - Қазақстан ОПЕК+ келісімі бойынша мұнай өндіру көлемін арттырмақ. Бұл туралы ҚазАқпарат Энергетика министрлігіне сілтеме жасап хабарлайды.

ОПЕК+ келісіміне қатысушы елдердің жинына Энергетика вице-министрі Әсет Мағауов қатысты. Отырыс барысында мамыр айында елдердің келісім бойынша міндеттемелерін орындауы талқыланды.

Отырыс қорытындысы бойынша ОПЕК+ елдерінің ағымдағы өндіру деңгейін тамыз айына тәулігіне 0,648 млн баррельге ұлғайтуды жалғастыру туралы шешім қабылданды.

Қазақстанның тамыз айындағы міндеттемелері тәулігіне 1,706 млн баррельді құрайды.

Сурет: Alexander Klein/AFP/Getty Images