+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Қазақстан Олимпиаданың медаль кестесінде 59-орында тұр

2021 жылғы 30 шілде 20:10
Бөлісіңіз:
Қазақстан Олимпиаданың медаль кестесінде 59-орында тұр

НҰР-СҰЛТАН. ҚазАқпарат – XXXII Жазғы Олимпиада ойындарының 30 шілдедегі медаль кестесінде Қазақстан жүлдеге ілінген 70 мемлекеттің ішінде 59-орында тұр, деп хабарлайды ҚазАқпарат тілшісі.

Ұқсас жаңалықтар

Қазақстан құрамасының қоржынындағы медаль саны өзгермегенімен, командалық есептегі орны күн санап төмендеп барады. Бүгінгі көрсеткіш – 59 орын.

Дзюдошы Елдос Сметов, ауыр атлеттер Игорь Сон мен Зульфия Чиншанло қоржынға салған үш қоланың санын ертең теннисші Елена Рыбакина көбейтуі мүмкін.

Кеше командалық есепте Жапонияның алдына шыққан Қытай құрамасы бүгін көрсеткішін жақсартып, алтын санындағы айырмашылықты арттыра түсті – 19 алтын, 10 күміс, 11 қола медаль.

Екінші орындағы жарыс иелерінің еншісіндегі «алтын» саны кеше Қытаймен бірдей болатын. Бүгін арада айырмашылық пайда болды – 17 алтын, 4 күміс, 7 қола медаль бар.

Үшінші орындағы АҚШ құрамасының еншісінде 14 алтын, 16 күміс, 11 қола медаль бар.

Медаль саны бойынша алғашқы ондықта тұрған командалардың қатарына бүгін Нидерланд құрамасы қайта кірді. Ал Италия бірнеше сатыға сырғып кетті. Сонымен, үздік ондықтың қатары мынадай:

1. Қытай - 19-10-11

2. Жапония - 17-4-7

3. АҚШ - 14-16-11

4. Ресей - 10-14-10

5. Аустралия- 9-2-11

6. Ұлыбритания - 6-9-9

7. Оңтүстік Корея - 5-4-6

8. Нидерланд - 3-7-5

9. Франция - 3-5-5

10. Германия - 3-4-9

Биыл дүбірлі додада 33 спорт түрінен 339 медаль жиынтығы сарапқа салынады. Айтулы аламанға жер бетіндегі 206 мемлекеттен 11 мыңнан астам спортшы қатысуда.

Бұған дейін Қазақстан құрамасы алты Жазғы Олимпиада ойындарына қатысқан болатын.

Жалпы медаль жиынтығы: 21 алтын, 28 күміс, 64 қола медаль.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT