+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Қазақстан мобильді интернет жылдамдығы бойынша рейтингте бір жылда 15 сатыға көтерілді

2021 жылғы 21 шілде 11:31
Бөлісіңіз:
Қазақстан мобильді интернет жылдамдығы бойынша рейтингте бір жылда 15 сатыға көтерілді

НҰР-СҰЛТАН. ҚазАқпарат – Қазақстан мобильді инетернет жылдамдығы бойынша әлемдік рейтингте Малайзияның алдына шығып, 80 орынға табан тіреді, деп хабарлайды ҚазАқпарат.

Ұқсас жаңалықтар
Қазақстанда «Linkedin» интернет-ресурсына қолжетімділік қалпына келтірілді

Finprom.kz ресурсының жазуынша, Қазақстан мобильді интернет жылдамдығы бойынша Ресей мен Малайзияның адына шыққан. Бір жылда елдегі мобильді интернет жылдамдығы 42% артқан.

Тіпті соңғы бір айдың өзінде Қазақстан позициясын 5 пунк бойынша, бір жылда бірден 15 сатыда жақсарып, 80-орынға табан тіреген.

«Мобильді интернеттің жылдамдығы 30,18 Мбит/с-қа жетті. Өткен жылдың маусым айында 21,25 Мбит/с болатын. Жылдамдықтың артуы жылына 42% құрайды. Айта кету керек, интернет байланысының жылдамдығы қатарынан төртінші айда үдемелі қарқынмен өсіп отыр», - деп жазады Finprom.kz.

ТМД елдерінің ішінде Қазақстанда мобильді интернеттің жылдамдығы Ресей, Қырғызстан, Өзбекстан, Беларусь, Тәжікстанға қарағанда жоғары. Сондай-ақ, рейтингте Малайзия, Египет, Үндістан, Венесуэла сияқты елдерде де мобильді инетернеттің жылдамдығы Қазақстаннан төмен болып шыққан.

Жалпы әлем бойынша мобильді интернеттің орташа жылдамдығы маусым айында 55,34 Мбит/с болған.

Ең жылдам интернет БАӘ (193,51 Мбит/с), Оңтүстік Корея (180,48 Мбит/с) және Катар (171,76 Мбит/с) сияқты елдерде тіркелген.

Ал рейтингтің ең төменгі сатысындағы Ауғанстанда мобильді интернеттің қарқыны 7,37 Мбит/с.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT