+7 (701) 759 90 19
USD 428.07 EUR 507.61
RUB 5.62 CNY 65.15
Jańalyqtar

Қазақстан мен Жапония бірлесіп түсірген «Барымташылар» фильмі Францияда прокатқа шығады

2020 жылғы 27 қазан 15:12
Бөлісіңіз:
Қазақстан мен Жапония бірлесіп түсірген «Барымташылар» фильмі Францияда прокатқа шығады

НҰР-СҰЛТАН. ҚазАқпарат - Қазақстан мен Жапония бірлесіп түсірген «Барымташылар. Уақыт жолы» фильмі Францияда 16 желтоқсанда прокатқа шығады, деп хабарлайды ҚазАқпарат.

«Қазақфильм» киностудиясының мәліметінше , кинокартина Бусан, Токио, Гётеборг, Шанхай және Хельсинки кинофестивальдеріне қатысып үлгерді және жақын арада Cottobus неміс кинофестивалі мен Торонтодағы Азия киносының ХКФ конкурсында көрсетілетін болады.

Картинаның режиссерлері - Ерлан Нұрмұхамбетов (Қазақстан) және Лиза Такэба (Жапония).

Басты рөлдерде Канн кинофестивалінің жүлдегері Самал Еслямова, танымал жапон актері Мирай Морияма, қазақстандық театр және кино актері Дулыға Ақмолда және жас актер Мәди Менайдаров ойнады.

Естеріңізге сала кетсек, «Барымташылар. Уақыт жолы» фильмінің өндірісіне Қазақстан тарапынан Ш.Айманов атындағы «Қазақфильм» АҚ, жапон тарапынан – «Tokyo New Cinema» компаниясы атсалысқан.

Туынды жылқы бағумен айналысатын қарапайым отбасы туралы баяндайды. Бір күні жылқы үшін адам өлтіруден тайынбайтын барымташылар отағасын өлтіреді.

12 жасар Олжас барымташылардың қолынан мерт болған әкесінің өліміне қайғырып, зұлымдықпен күресіп, отбасына түскен ауыртпалықты қарындастарымен бірге көтереді. Қорғансыз қалған Олжастың отбасына ғайыптан пайда болған бөгде біреу қолұшын созады.

«Фильмнің сценарийі Қазақстанда болған шынайы оқиғаға негізделген. Жақыныңнан айырылудың қандай қиын екенін осы оқиға арқылы кинематографиялық тілмен жеткізгім келді», - дейді режиссер Ерлан Нұрмұхамбетов.


Біздің каналымызға жазылыңыз:

Бөлісіңіз:

Автор:

Жанат Қапалбаева

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT