Қазақстан мен Ресей пойыздардағы шекара бақылауын тоқтатты

None
None
МӘСКЕУ. ҚазАқпарат - Қазақстан Республикасының Ресей Федерациясындағы Төтенше және өкілетті елшісі Иманғали Тасмағамбетов пен статс-хатшы - РФ сыртқы істер министрінің орынбасары Григорий Карасин Қазақстан-Ресей шекарасы арқылы жолаушылар тасымалдау процедурасын оңтайландыратын хаттаманы рәсімдеуге қатысты грамота алмасу туралы құжатқа қол қойды, деп хабарлайды Мәскеудегі «ҚазАқпарат» ХАА меншікті тілшісі РФ-тегі ҚР Елшілігінің баспасөз қызметіне сілтеме жасап.

Екі елдің үкіметтері арасындағы теміржол көліктері ұйымдары мен мекемелерінің, кәсіпорындарының қызметін құқық реттеу ерекшеліктері жайлы келісімге өзгерістер енгізу туралы хаттама 2016 жылдың 4 қазанында Астанада қол қойылып, одан кейін екі елдің басшылары мен парламенттері ратификациялады.

26 қыркүйектен бастап Астана-Орал және Алматы-Орал бағыттары бойынша «Тұлпар-Тальго» жолаушылар пойызы іске қосылды. Ол Ресейдің Соль-Илецк станциясы арқылы күн сайын жолаушыларды тасымалдайтын болады.

И.Тасмағамбетов атап өткендей, бұл - Қазақстан мен Ресейдің шекарадағы облыстарының тұрғындары арасындағы байланысты оңтайландырып, туристік және іскерлік қарым-қатынастың дамуына мүмкіндік береді.

Соңғы жаңалықтар