Қолданушы баптаулары
Қолданушы баптаулары
+7 (701) 759 90 19 Лента
USD 378.93 EUR 423.00
RUB 5.87 CNY 54.82
Jańalyqtar

Қазақстан мен Өзбекстан жұмысшы мигранттардың құқығын бірге қорғайды

2019 жылғы 16 мамыр 16:40 263
Бөлісіңіз:
Қазақстан мен Өзбекстан жұмысшы мигранттардың құқығын бірге қорғайды

НҰР-СҰЛТАН. ҚазАқпарат - ҚР Еңбек және халықты әлеуметтік қорғау министрі Бердібек Сапарбаев ХІІ Астана экономикалық форумы аясында өткен Халықаралық еңбек ұйымының 100 жылдығына арналған халықаралық конференцияда бірқатар екіжақты кездесу өткізді, деп хабарлайды ҚазАқпарат тілшісі.

Ұқсас жаңалықтар
Қазақстанға келетін шетелдіктер ХҚО-да тіркеуге тұра алады

Атап айтқанда, Өзбекстан Республикасының Жұмыспен қамту және еңбек қатынастары министрі Шерзод Құдбиевпен кездесу барысында Қазақстанмен Өзбекстан үкіметтері арасындағы  жұмысшы мигранттардың еңбек қызметі мен құқықтарын қорғау туралы 2019 жылдан 2020 жылға дейінгі кезеңге арналған келісімді іске асыру жөніндегі бірлескен іс-шаралар жоспарына (жол картасы) қол қойылды.

Бұл үкіметаралық келісімді ведомство басшылары 2019 жылы 15 сәуірде Ташкент қаласында ҚР Президенті Қасым-Жомарт Тоқаевтың мемлекеттік сапары аясында рәсімделген еді.

Үкіметаралық келісім аясында жұмысшы мигранттар қабылдаушы мемлекеттің заңнамасына және еңбек шартының талаптарына сәйкес басқа адамдар үшін қауіпті ауруларға арналған тегін медициналық көмектің кепілдік берілген көлемін алу құқығына ие. Еңбек мигранттары үшін ақы төлеу және басқа да еңбек жағдайлары жұмыс берушімен қабылдаушы мемлекеттің заңнамасына сәйкес еңбек шартымен реттеледі.

Кездесу қорытындысы бойынша министрлер ведомстволар арасында орнатылған іскерлік және достық байланыстарды жоғары бағалайтынын және қол қойылған халықаралық құжат аясында одан әрі ынтымақтастыққа дайын екенін атап өтті.

Бұдан басқа, Б.Сапарбаев Біріккен Ұлттар Ұйымының Халықаралық әлеуметтік қамсыздандыру қауымдастығының мүшелік қызметтері мен байланысын дамыту департаментінің директоры Грэм Минтонмен кездесті. Тараптар ынтымақтастықтың өзекті мәселелерін талқылады. Кездесу барысында министр ХӘҚҚ-мен ынтымақтастықтың маңыздылығын және басым бағыттар бойынша ынтымақтастықты одан әрі кеңейтуге мүдделі екенін атап өтті.

 

 

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT