Қазақстан мен Өзбекстан президенттері «Тәуелсіздік және гуманизм» монуметіне гүл шоғын қойды

АСТАНА. ҚазАқпарат - Мемлекет басшысы «Тәуелсіздік және гуманизм» монуметіне гүл шоғын қою рәсіміне қатысты, деп хабарлайды Ақорданың баспасөз қызметі.

Нұрсұлтан Назарбаев мемлекеттік сапары аясында Шавкат Мирзиёевпен бірге Өзбекстан халқының жалпыұлттық символы болып саналатын «Тәуелсіздік және гуманизм» монуметіне гүл шоғын қойды.

Тәуелсіздік алаңында орналасқан сәулет кешенінде Өзбекстан картасы бейнеленген қола глобус пен қолына бала ұстаған ананың мүсіні бар.

Композиция авторы - танымал өзбек сәулетшісі Ильхом Жабборов.