+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Қазақстан мен Өзбекстан қауіпсіздік кеңестері аппараттарының кеңейтілген консультациясы өтті

2019 жылғы 5 сәуір 16:54
Бөлісіңіз:
Қазақстан мен Өзбекстан қауіпсіздік кеңестері аппараттарының кеңейтілген консультациясы өтті

НҰР-СҰЛТАН. ҚазАқпарат - Қазақстан Республикасы және Өзбекстан Республикасы Қауіпсіздік кеңестері аппараттарының кеңейтілген жоспарлы консультациялары өтті, деп хабарлайды ҚазАқпарат Ақорданың баспасөз қызметіне сілтеме жасап.

Қазақстан Республикасы Президентінің көмекшісі - Қауіпсіздік Кеңесінің хатшысы Қалмұханбет Қасымов пен Өзбекстан Республикасының Президенті жанындағы Қауіпсіздік Кеңесінің хатшысы Виктор Махмудовтың төрағалығымен және орталық мемлекеттік органдар басшыларының қатысуымен өткен келіссөздер барысында қауіпсіздікті қамтамасыз етудің өзекті міндеттері қаралды.

Тараптар контрабандаға қарсы іс-қимыл және кеден заңнамасын бұзушылықтар бойынша шекаралық қызметтер мен кеден органдарының өзара тиімді әрекеттестігін арттыру мәселелерін талқылады. Қазақстан-Өзбекстан мемлекеттік шекарасындағы өткізу бекеттері мен автомобиль жолдарын қайта құру және жаңғырту, іргелес аумақты жайластыру жөніндегі жол картасының тармақтарын орындау барысы қаралды.

Келіссөздердің күн тәртібіне Орталық Азиядағы тату көршілік пен өзара сенімді одан әрі нығайту бойынша шаралар енгізілді. Екі мемлекеттің өкілдері Ауғанстандағы жағдайдың аясында өңір қауіпсіздігі және оның тұрақты дамуы мәселелерін талқылады.

Сонымен бірге, тараптар діни экстремизмнің алдын алу саласында жинақтаған тәжірибелерімен және ұсынымдарымен алмасты.

Жұмыс қорытындысы бойынша екі елдің тиісті мемлекеттік органдарына нақты тапсырмалар берілді.


null

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT