Қазақстан мен Моңғолия атом саласындағы ынтымақтастықты дамытуға ниетті
Тараптар екі елдің атом саласындағы ынтымақтастығын дамытудың болашағын талқылады.
«Қазіргі кезде Қазақстан уран қоры жөнінен әлемде екінші орында. Әлемдік өндірістің 21 пайызына ие «Қазатомөнеркәсіп» табиғи уранға деген сұраныстың шамамен 20 пайызын қамтамасыз ететін әлемдік нарықтағы жетекші табиғи уран жеткізіп беруші компания. Енді біз бизнесімізді реакторға дейінгі ядролық отын циклының барлық буынына әртараптандыруды жоспарлап отырмыз», - деді Асқар Жұмағалиев.
Кездесулер барысында тараптар геологиялық барлау, уран өндіру және оны өңдеу сияқты атом өнеркәсібінің ынтымақтастық үшін өзара қызығушылық тудырып отырған бірқатар бағыттарын атады.
Тараптар сондай-ақ, серіктестік қарым-қатынастарды дамытуға және атом саласындағы бірлескен жобаларды іске асыруға ниеттестіктерін жеткізді.