Қазақстан мен Люксембург арасындағы салық салу мәселесі жеңілдемек
«Қолданыстағы Конвенцияға толықтыру енгізу мемлекет иелігімен байланысты болған кезде төленетін дивидендтерді салық салудан босата отырып, ел бюджетінің мүддеcін қорғау қажеттілігінен туындады. Біз дивидендтердің іс жүзіндегі иелерін нақтыладық. Қазақстанда - бұл Қазақстан Республикасының Үкіметі, орталық немесе жергілікті билік органы, ҚР Ұлттық Банкі немесе Қазақстан Үкіметіне толық тиесілі кез келген басқа мекеме. Осылайша, аталған Хаттаманың мақсаты - Люксембург аумағында тіркелген кәсіпорындарда акцияларды иелену кезінде ҚР Үкіметіне төленетін дивидендтерді салық төлеуден босату», - деді ҚР Қаржы министрі Ерұлан Жамаубаев.
Оның сөзіне қарағанда, Қазақстанда Люксембургтің қатысуы бар 27 заңды тұлға, филиалдар мен өкілдіктер қызмет етуде. Олар 2019 жылы
37 млрд теңге салық төледі.
«Хаттаманы іске асыру мемлекеттік бюджеттен қаржы шығындарын талап етпейді. Осы Хаттаманың екі мемлекет арасындағы салық салу мәселелерінде заңнамалық база ретінде маңызды рөлін атап өту қажет», - деді министр.