Қазақстан мен Қытай БАҚ саласы бойынша ынтымақтастықты жетілдірмек
БАҚ саласындағы ынтымақтастықты жетілдіру мен өзара түсіністік жөніндегі 3 меморандумға ҚХР-дің Мемлекеттік Кеңесінің баспасөз кеңсесі мен Қазақстан, Қырғызстан және Өзбекстанның құзырлы органдары арасында қол қойылды. Қазақстан атынан құжатқа Ақпарат және коммуникациялар вице-министрі Нұргүл Мауберлинова қол қойды.
Өзге 23 келісім ҚХР мен ШЫҰ-на мүше ммелекеттердің БАҚ саласының өкілдері арасында рәсімделді. Соның ішінде Өзара ниеттестік туралы меморандумға «ҚазАқпарат» ХАА мен ҚХР-дың Баспасөзді басқару мен әдебиеттері шет тілдерінде тарату басқармасы арасында, сондай-ақ «Деловой Казахстан» республикалық экономкалық газеті мен Қытайдың телерадиокорпорациясы арасында қол қойылды.
Құжаттарға қол қою рәсіміне Қытай Компартиясы Орталық комитетінің үгіт-насихат бөлімінің жетекшісі Хуан Куньмин қатысты.
Айта кетейік, медиа-саммитке ШЫҰ-на мүше мемлекеттердің 140-қа жуық өкілдері қатысты. Қазақстан делегациясының құрамына «Хабар» агенттігі» АҚ-ның басқарма төрағасы Алан Әжібаев, «Қазақстан» РТРК-ның басқарма төрағасы Ерлан Қарин, «Еуразия бірінші арнасы» телекомпаниясының бас директоры Сергей Киселев, «ҚазАқпарат» ХАА-нің бас директоры Асқар Умаров, «Делововой Казахстан» республикалық экномикалық газетінің бас редакторы Серік Қоржымбаев кірді.
ШЫҰ-на мүше мемлекеттердің БАҚ саласындағы ынтымақтастық тетіктерін қалыптастырып, ШЫҰ-ның бірінші медиа-саммитін шақыру туралы ұсынысты ҚХР төрағасы Си Цзиньпин 2017 жылы Астанада өткен ШЫҰ-ның самммттінде көтерген болатын.