+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Қазақстан мен Қырғызстан өзара сауда айналымын 1 млрд долларға жеткізуге ниетті

2018 жылғы 1 маусым 11:28
Бөлісіңіз:
Қазақстан мен Қырғызстан өзара сауда айналымын 1 млрд долларға жеткізуге ниетті

АСТАНА. ҚазАқпарат - Қазақстан Республикасының Үкімет басшысы Бақытжан Сағынтаев Душанбе қаласында Қырғызстан премьер-министрі Мухаммедкалый Абылгазиевпен кездесті, деп хабарлайды ҚазАқпарат «Кабар» агенттігіне сілтеме жасап.

Екіжақты кездесу ТМД Үкімет басшылары кеңесінің кезекті отырысы аясында өтті.

«Қырғызстан-Қазақстан одақтастық қатынасы даму үстінде, белсенді саяси-экономикалық диалог орнатылып, барлық деңгейде байланыс жасалуда. Қазақстанмен стратегиялық қарым-қатынастарды нығайту Қырғызстанның сыртқы саясатының басымдықтарының бірі болып табылады», - деп атап өтті Мухаммедкалый Абылгазиев.

Қырғызстанның үкімет басшысы атап өткендей, екі ел арасындағы сауда-экономикалық байланыстарды нығайту және екіжақты сауда-саттықты дамыту әлеуеті зор.

«Біздің Президенттер өзара сауда айналымын 1 млрд АҚШ долларына жеткізу туралы тапсырма берді. Бұл өзара сауда айналымын арттыру және саудадағы қазіргі кедергілерді жою үшін жағдай жасау мақсатында тығыз ынтымақтастық жасауға жетелейді», - деді ол.

Қазақстан Премьер-Министрі Бақытжан Сағынтаев екі мемлекет басшыларының алға қойған жоспарлары жүзеге асуы тиістігін атап өтті.

«Қазақстандық тарап екіжақты қарым-қатынасты нығайтуға және дамытуға бағытталған кез келген бастаманы әрдайым қолдауға дайын», - деді Үкімет басшысы.

Кездесу соңында Қазақстанда өтетін Қырғызстан-Қазақстан үкіметаралық кеңесінің кезекті 7-ші отырысын премьер-министрлердің төрағалығымен өткізу туралы уағдаластыққа қол жеткізді.

Кездесу барысында тараптар екіжақты ынтымақтастықтың өзекті мәселелерін талқылады.

Біздің каналымызға жазылыңыз:

Бөлісіңіз:

Автор:

Ақбөпе Әбдрасул

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT