+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

Қазақстан мен Испания арасындағы тауар айналымы 2 млрд долларға жетті

2019 жылғы 15 мамыр 17:05
Бөлісіңіз:
Қазақстан мен Испания арасындағы тауар айналымы 2 млрд долларға жетті

НҰР-СҰЛТАН. ҚазАқпарат - Қазақстан мен Испания елдерінің арасындағы тауар айналымы 2 млрд долларға жетті. Бұл туралы бүгін СІМ-де өткен баспасөз мәслихатында Қазақстанның Испаниядағы және Андоррадағы елшісі қызметін қоса атқарушы Константин Жигалов мәлім етті, деп хабарлайды ҚазАқпарат тілшісі.

«Біз екіжақты байланысты барынша нығайту үшін әртүрлі амал-әдістерді қолдануға тырысамыз. Өз елінде біршама салмақты испандық инвесторды Қазақстанға тарту бағытында жұмыс жүргізіліп жатыр. Біздің ведомствоға инвестиция және экспорт бағытындағы міндеттер жүктелгендіктен, сауда-экономикалық қарым-қатынастың қыр-сырын барынша зерттеп, түгендеудеміз», - дейді елші.

Константин Жигалов сонымен бірге өз сөзінде Қазақстан нарығында табысты жұмыс жүргізіп жатқан испаниялық компанияларды да атады.

«Қазіргі уақытта елімізде испандық 66 заңды тұлға - филиал, өкілдік тіркелген. Қарым-қатынас жүйесін түгендей келе, шынында, нарығымызда испандық ірі 42 компанияның барын анықтадық. Оның бірі өздеріңіз білетін - «Talgo». Оның пойыздарымен жүріп жүрген боларсыздар. Жарылғыш зат әзірлейтін MAXAM компаниясының да Қазақстанда 4 кәсіпорны бар. «Airbus» - жолаушыларға арналған ұшақтар мен әскери-көлік техникаларын шығарады. Қазақстан қазіргі таңда «Airbus» компаниясының ең ірі үш серіктесінің бірі. Біз қазірдің өзінде 8 ұшақ сатып алдық. Тағы да 3 ұшақ алғалы отырмыз», - дейді дипломат.

Константин Жигаловтың айтуынша, осы жылдың шілде айында Қазақстан мен Испания арасындағы стратегиялық серіктестік туралы келісімге тура 10 жыл толады.

Біздің каналымызға жазылыңыз:

Басты сөздер: Еуропа, Экономика, ҚР СІМ,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT