Қазақстан мен Иран стандарттау саласындағы келісімге қол қойды

НҰР-СҰЛТАН. ҚазАқпарат - 2022 жылғы 21-22 ақпанда ҚазСтандарт басшылығы Тегеран қаласында Қазақстан мен Иран арасындағы сауда-экономикалық, ғылыми-техникалық және мәдени ынтымақтастық жөніндегі бірлескен комиссияның 17-ші отырысына қатысты.

Бұл туралы ҚазАқпарат ҚР Сауда және интеграция министрлігінің баспасөз қызметіне сілтеме жасап хабарлайды.

Баспасөз қызметінің мәліметтеріне қарағанда, Иран – Қазақстанның ең жақын сауда серіктестерінің бірі, тек 2021 жылдың өзінде Иранға экспорт 2,1 есеге өсіп, 275,3 млн. АҚШ долларын құрады.

Отырыс барысында, ҚазСтандарт келіссөздер үш жылдан астам уақыт жүргізілген Иран стандарттау жөніндегі ұлттық ұйымымен (INSO) Стандарттау саласындағы келісімге қол қойды.

Келісім Иранның ұлттық стандарттарына жол ашады және қазақстандық кәсіпорындар үшін экспортқа жағдайлар жасайды.