Қолданушы баптаулары
Қолданушы баптаулары
+7 (701) 759 90 19 Лента
Астана: 17 °С
Алматы: 17 °С
USD 341.18 EUR 392.97
RUB 5.34 CNY 52.50
Жаңалықтар

Қазақстан мен Германия аграрлық салаларда ынтымақтаспақ

2018 жылғы 21 қаңтар 17:10 1295
Бөлісіңіз:
Қазақстан мен Германия аграрлық салаларда ынтымақтаспақ

БЕРЛИН. ҚазАқпарат - Берлинде «Ауыл шаруашылығы және агроөнеркәсіп кешені ілгерілеуде - неміс бизнесі үшін мүмкіндіктер» дөңгелек үстелі өтті. Шара «Жасыл апта - 2018» халықаралық ауыл шаруашылығы көрмесі аясында ұйымдастырылды, деп хабарлайды «ҚазАқпарат» ХАА меншікті тілшісі.

Іс-шара ГФР-дағы ҚР Елшілігінің және Қазақстан-Германия аграрлық-саяси диалогының ұйымдастырушылық қолдауымен Германия компаниялары мен ауылшаруашылық бірлестіктері өкілдерінің қатысуымен өткен.  

Қазақстан мен Германия аграрлық салаларда ынтымақтаспақ 

Германиядағы Қазақстан елшісі Болат Нүсіпов неміс серіктестеріне Мемлекет басшысының «Төртінші өнеркәсіптік революция жағдайындағы дамудың жаңа мүмкіндіктері» Жолдауындағы ҚР Агроөнеркәсіп кешенін дамыту бөліміндегі негізгі мақсаттар мен міндеттермен таныстырды.

«Германияның аграрлық-саяси диалог арқылы ауыл шаруашылығы әлеуетін қолдану мен Қазақстанның агроөнеркәсіп саласын тұрақты дамыту үдерісіндегі білімі және тәжірибесімен Қазақстанға белсенді қолдау көрсетіп отырғанын атап өткім келеді», - деді қазақстандық дипломат.

Қазақстан мен Германия аграрлық салаларда ынтымақтаспақ 

Өз кезегінде, С.Сейфуллин атындағы агротехникалық университеттің ректоры Ақылбек Күрішбаев Дүниежүзілік азық-түлік ұйымының «Қазақстанды азық-түлікпен әлемді қамтамасыз ету әлеуеті бар үздік бес елдің ішіне қосқанын» атап өтті.

«Қазақстан-Германия аграрлық-саяси диалогы» жобасының жетекшісі Дитхард Рудерт ҚР мен ГФР арасындағы ынтымақтастықтың берік екендігін тілге тиек етіп, оның негізгі бағыттары туралы айтты.

Қазақстан мен Германия аграрлық салаларда ынтымақтаспақ 

Оның айтуынша, Қазақстан-Германия аграрлық-саяси диалогының басты міндеті ҚР мен ГФР жоғары оқу орындары арасындағы ғылыми ынтымақтастықты қамтамасыз ету және заңнама жасап шығаруға көмектесу болып табылады.

Жалпы алғанда, дөңгелек үстелдің қатысушылары Қазақстанның инвестициялық тартымдылығын атап өтіп, ауыл шаруашылығы, агроөнеркәсіптік машина жасау салаларындағы бірлескен жобаларды жүзеге асыруға қызығушылық танытты.

Қазақстан мен Германия аграрлық салаларда ынтымақтаспақ 

Айта кетейік, «Жасыл апта 2018» халықаралық ауыл шаруашылығы көрмесі аясында Берлинде 67 елдің 1600 жәдігері таныстырылды. 

 

 


Бөлісіңіз:
Онлайн қызметкерлер
Редактор
Жарылқасын Саягүл
Жарылқасын Саягүл
954-059
Редактор
Бакытжан Ербасов
Бакытжан Ербасов
954-059
Мұрағат