+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

Қазақстан мен Франция жемқорлыққа қарсы өзара әрекеттестікті арттыруға уағдаласты

2019 жылғы 17 қазан 11:20
Бөлісіңіз:
Қазақстан мен Франция жемқорлыққа қарсы өзара әрекеттестікті арттыруға уағдаласты

ПАРИЖ. ҚазАқпарат - Парижде ҚР Сыбайлас жемқорлыққа қарсы іс-қимыл агенттігінің төрағасы Алик Шпекбаев Францияның Ұлттық сыбайлас жемқорлыққа қарсы агенттігінің (AFA) басшысы Шарль Дюшенмен кездесті, деп хабарлайды ҚазАқпарат агенттіктің баспасөз қызметіне сілтеме жасап.

Ұқсас жаңалықтар

А.Шпекбаев француз әріптестерін сыбайлас жемқорлыққа қарсы қызметтің басты бағыттарымен таныстырды. Агенттік төрағасы сыбайлас жемқорлыққа қарсы табысты іс-қимылдағы халықаралық ынтымақтастықтың маңыздылығын атап өтті.

Француз жағы Қазақстанның сыбайлас жемқорлықпен күресетін мемлекеттер тобына (СЖКМТ) қосылуын және сыбайлас жемқорлық жағдайларын анықтау және алдын-алу саласындағы әлемнің озық тәжірибесін енгізуге ұмтылысын жоғары бағалады.

Тараптар сыбайлас жемқорлыққа қарсы тиімді іс-қимылдың тек превенция, ағарту және жазалау шараларының қисынды үйлесімімен ғана мүмкіндігі туралы пікірге тоқталды.

Шарль Дюшен превенция тетіктерін, соның ішінде мемлекеттік органдармен қоса жекеменшік секторда да сыбайлас жемқорлыққа қарсы нормалар мен этикалық ережелердің орындалуын бақылайтын комплаенс қызметтері тарапынан мұқият тексерудің және жемқорлық тәуекелдеріне кешенді сараптама жүргізудің маңызды рөліне тоқталды.

Кездесудің нәтижелері бойынша өзара әрекеттестіктің нақты келешегі айқындалды. Атап айтқанда, Нұр-Сұлтан қаласында желтоқсан айында өтетін халықаралық сыбайлас жемқорлыққа қарсы күрес күніне арналған жыл сайынғы конференцияға AFA басшысы француз делегациясын бастап келмек.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT