+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Қазақстан құрғақшылық салдарынан жыл сайын 93 млрд теңге жоғалтады

2020 жылғы 15 қаңтар 15:49
Бөлісіңіз:
Қазақстан құрғақшылық салдарынан жыл сайын 93 млрд теңге жоғалтады

НҰР-СҰЛТАН. ҚазАқпарат – Қазақстан жыл сайын құрғақшылық салдарынан 93 млрд теңге жоғалтады. Бұл туралы бүгін Ақордада Мемлекет басшысы Қасым-Жомарт Тоқаевтың Президенттік кадр резервіне енген жастармен кездесуінде Жапония ұлттық саяси зерттеулер институтының PhD докторанты Зүлфия Сүлейменова айтты, деп хабарлайды ҚазАқпарат тілшісі.

«Менің диссертациям Сырдария өзені бассейніндегі су ынтымақтастығына арналған. Бұл тақырып Қазақстан үшін өзекті. Қазірдің өзінде біз су тәуекелдерімен бетпе-бет келіп отырмыз. Бүгінде су күйзелісінің деңгейі 25-тен 75 пайызға дейін бағаланады. Қазақстан жыл сайын құрғақшылық салдарынан орын алатын шөлейттену нәтижесінде шамамен 93 млрд теңге жоғалтады», - деді ол.

Осы ретте ол еліміздің су және экологиялық күнтәртібінде тұрған бірқатар ұсыныс жасады.

«Біріншіден, экономиканың су қамтымдылығын қысқарту қажет. Біз дайындалуына судың өте үлкен мөлшері шығындалатын тауарлар өндіреміз. Тапшылық оның жетіспеушілігінен ғана емес, сонымен қатар ауыл шаруашылығы мен энергетика секторындағы сұраныстың жоғары болуынан орын алып отыр. Екіншіден, жерасты суының ластануына жол бермеу шараларын күшейту қажет», - деді болашақ ғалым.

Оның айтуынша, ауаның және жер бетіндегі судың ластануын төмендету, ауыл шаруашылығында зиянды химикаттар пайдалануды азайту есебінен жерасты суларының ластануын азайтуға болады. Циркулярлы экономика мен қалдықсыз өндірісті дамытуды ынталандыру да қажет.

«Үшіншіден, халықаралық ынтымақтастықты күшейткен жөн. Қазақстан суының 44 пайызы одан тысқары аумақта қалыптасады. Кейбір аудандарда бұл цифр 80 пайызға жетеді. Сондықтан көршілерімізбен тиімді ынтымақтастықты қалыптастыруымыз қажет. Себебі су – бұл біздің ортақ байлығымыз. Төртіншіден, әр адамның жауапкершілігі идеясын ілгерілетуіміз қажет. Бұл мәселемен осы саланың мамандары ғана айналыспауы тиіс», - деді Зүлфия Сүлейменова.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT