Қазақстан қалаларында пәтер бағасы бір жылда 41% дейін қымбаттаған

АСТАНА. ҚазАқпарат - Бір жылда пәтерлерді қайта сату бағасы 13%, жаңа тұрғын үйді сату құны 14% өсті. Абаттандырылған тұрғын үйді жалға алу төлемі өткен жылғы тиісті аймен салыстырғанда 2023 жылғы ақпанда 33,8% артты, деп хабарлайды ҚазАқпарат ұлттық статбюроға сілтеме жасап.

Өңірлер бөлінісінде жаңа үйлер нарығында баға жылдық мәнде Ақтөбе (25,4%) және Ақтау қалаларында (25,2%) едәуір қымбаттады.

Пәтерлерді қайта сату нарығындағы баға өсімінің көш басында Семей (41%), Қызылорда (39,9%), Ақтөбе (36,9%), Ақтау (35,4%), Қостанай (30,9%) қалалары тұр.

Ал тұрғын үйді жалға алу бойынша жоғары өсім Көкшетау (53,7%), Қостанай (51,9%), Алматы (49,6%) және Петропавл (49,3%) қалаларында тіркелді.

Баспана нарығындағы бағаның өзгеруі пайызбен, өсуі+, төмендеуі- 1 шаршы метрінің бағасы, теңге 2023 жылғы ақпан Анықтама: 2023 жылғы қаңтар 2022 жылғы ақпанға 2022 жылғы желтоқсанға 2022 жылғы қаңтарға 2022 жылғы желтоқсанға Жаңа тұрғын үйлерді сату 483 522* 14,0 1,0 14,0 0,7 Пәтерлерді қайта сату 517 278 13,0 0,8 18,7 0,3 Абаттандырылған тұрғын үйді жалға алу төлемі 4 679 33,8 -2,4 34,3 -2,5 Бір айдың ішіндежаңа тұрғын үйді сату бағалары – 0,3%, пәтерлерді қайта сату 0,4% өсті. Абаттандырылған тұрғын үйді жалға алу алдыңғы аймен салыстырғанда қаңтарда 0,2% өсті.