«Қазақстан халқына» қорына өтінішті ХҚКО қабылдамайды

АЛМАТЫ. ҚазАқпарат - Алматының Түрксіб аудандық халыққа қызмет көрсету орталығында Ашық есік күні өтті, деп хабарлайды ҚазАқпарат тілшісі.

Қабылдауға келгендердің көпшілігінің сұрағы - «Қазақстан халқына» қоғамдық қорынан қалай көмек алуға болады деген сипатта болды.

«Ашық есік күндері алдағы уақытта да жалғасатын болады. Мұнда азаматтардың мемлекеттік қызмет алу мәселелеріне қатысты сұрақтарына жауап беріп, туындаған проблемалары болса шешілуіне көмектесетін боламыз. Бірақ, «Қазақстан халқына» қорына қатысты сұрақтар біздің құзіретімізге жатпайды», - деді «Азаматтарға арналған үкімет» МК КЕ АҚ Алматы қаласы бойынша филиалының директоры Ермек Бекжүнісов.
Айта кетсек, «Қазақстан халқының» www.qazaqstanhalqyna.kz сайты арқылы қайырымдылық көмек алудың жолдарымен таныса аласыздар.