+7 (701) 759 90 19
USD 432.94 EUR 513.68
RUB 5.62 CNY 66.1
Jańalyqtar

Қазақстан халқы бүгін Алғыс айту күнін атап өтеді

2018 жылғы 1 наурыз 06:00
Бөлісіңіз:
Қазақстан халқы бүгін Алғыс айту күнін атап өтеді

АСТАНА. ҚазАқпарат - Көктемнің алғашқы таңын атырған, Қазақстан халқы Ассамблеясы құрылған 1 наурызда, яғни бүгін бейбітшілік пен достықты кие тұтқан халқымыз Алғыс айту күнін атап өтеді, деп хабарлайды «ҚазАқпарат» ХАА тілшісі.

Айта кетсек, 2016 жылғы 14 қаңтарда Мемлекет басшысы Нұрсұлтан Назарбаев № 173 Жарлыққа қол қойған болатын. Ол Жарлыққа сәйкес, Қазақстан халқы Ассамблеясы құрылған 1 наурыз - елімізде Алғыс айту күні деп жарияланды. Дәл сол жылы еліміз өз тарихында тұңғыш рет Алғыс айту күнін атап өткен еді.
null

«Сталиндік режім кезінде Қазақстанға көптеген халықтар жер аударылды - 800 мыңға жуық неміс, 102 мың поляк, 550 мың Солтүстік Кавказ халқының өкілдері, 18,5 мың Қиыр Шығыстағы корей отбасылары көшіп келуге мәжбүр болды. Оларды пойыз вагондарынан жапан далаға түсіріп кетті. Ол кездері мұнда тек қазақтар өмір сүрді. Сондықтан, олар қабыл алып, көмек көрсетті. Қиын уақыттарды бастан өткеріп жүрген қазақ отбасылары балшық үйлеріне кіргізіп, қабылдады. Біздің жанұямыз да үш баласы бар ерлі-зайыптыны қабылдады. Қазақстан халқы Ассамблеясының құрылған күнін - 1 наурызды жыл сайын барлық этностардың бір-біріне мейірімділік көрсететін, түрлі халықтарды туғанындай қабылдаған қазақтарға Алғыс айту күні деп атап өткен дұрыс болар еді. Бұл бізді одан әрі жақындастырар еді. Бұл күн барлық қазақстандықтардың бір-біріне мейірімділік, достастық және махаббат таныту мерекесі бола алады», - деген еді ҚР Президенті Нұрсұлтан Назарбаев 2015 жылдың 22 сәуірі күні ҚХА-ның XXII сессиясы барысында.
null

Алғыс айту күні - елімізді бейбітшілік пен достыққа, тыныштық пен ынтымаққа үндейтін мереке. Тағдыр тәлкегімен Қазақстан жеріне қоныс аударған түрлі ұлттардың миллиондаған өкілдерін құшақ жая қарсы алған қазақтар тар заманда басына түскен ауыртпалықты қайыспай бірге көтере білді. Бұл кеңқұшақ құрмет - еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды.

Алғыс айту күні бар болғаны үшінші мәрте аталып өтіп жатса да, ел үшін айтулы ізгі дәстүрге айналып келеді. Осы орайда, бүгін Астанадағы Бейбітшілік және Келісім сарайында ҚР Мемлекеттік Хатшысы Гүлшара Әбдіхалықованың қатысуымен «Алғыс айту күніне» орай Қазақстан халқы Ассамблеясының салтанатты шарасы өтеді. Ал дәл бүгін айтулы датаған орай, Алматы шаһарындағы Ұлттық кітапхана ашық есік күндерін бастап, Достық үйінде «Қазақстан - бірлік пен татулықтың мекені» атты шара арқылы концерттік бағдарламамен бірге қолөнер туындыларының көрмесі мен Алматы қаласының этномәдени бірлестіктерінің ұлттық аспаздық өнерінің көрмесін ұйымдастырмақ.

Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT