+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Қазақстан халқы Ассамблеясынан Мәжіліс депутаттығына кімдер өте алады

2020 жылғы 21 қазан 16:56
Бөлісіңіз:
Қазақстан халқы Ассамблеясынан Мәжіліс депутаттығына кімдер өте алады

НҰР-СҰЛТАН. ҚазАқпарат – Қазақстан халқы Ассамблеясынан Мәжіліс депутаттығына кандидаттарды ұсыну 11 желтоқсанда басталады, деп хабарлайды ҚазАқпарат тілшісі.

«2007 жылдан бастап Қазақстан халқы Ассамблеясының Парламент Мәжілісіндегі 9 депутатын сайлау конституциялық құқығы іске асырылуда. Сайлауға дайындық пен оның өткізуді қамтамасыз ету Орталық сайлау комиссиясына және Республикалық маңызы бар қалалық комиссияға жүктеледі. Қазақстан халқы Ассамблеясы сайлайтын Парламент Мәжілісінің депутаттығына кандидаттар ұсыну құқығы Ассамблея Кеңесіне тиесілі», - деп түсіндірді Орталық сайлау комиссиясының мүшесі Ерлан Дауылбаев.

Оның сөзіне қарағанда, ҚХА-дан сайланатын Мәжіліс депутаттығына кандидаттарды ұсыну биылғы 11 желтоқсанда басталып, сайлауға жиырма күн қалғанда, яғни 2020 жылғы 21 желтоқсанында жергілікті уақытпен сағат 18.00-де аяқталады.

Қазақстан халқы Ассамблеясынан Мәжіліске ел аумағында соңғы 10 жыл тұрақты тұрып жатқан, жиырма бес жасқа толған, басымдықты сайлау құқығына ие, өтелмеген немесе алынбаған соттылығы жоқ, сондай-ақ сыбайлас жемқорлық қылмыс және сыбайлас жемқорлық құқық бұзушылық жасағаны үшін соттылығы жоқ Қазақстан Республикасының азаматы кандидат бола алады.

Сайлау алдындағы үгіт-насихат кандидаттарды тіркеу мерзімі аяқталған сәттен, яғни 26 желтоқсанда сағат 18:00–ден басталады және сайлау болатын күннің алдындағы күні аяқталады.

Қазақстан халқы Ассамблеясынан ұсынылатын Парламент Мәжілісі депутаттарының сайлауы Қазақстан халқы Ассамблеясының сессиясында өткізіледі.

Бұдан бұрын хабарланғандай, Орталық сайлау комиссиясының төрағасы Берік Имашев алдағы Мәжіліс депутаттарын сайлауға қатысты түсінік берді.

«Дәл осы заң шығарушы орган мемлекет тетігінде басым орынға ие және тек Парламент қана заң арқылы халықтың еркін білдіру құқығына ие. Мәжілістің 98 депутатын сайлау партиялық тізімдер бойынша жасырын дауыс беру арқылы жалпыға бірдей тең әрі төте сайлау құқығы негізінде жүзеге асырылады. Мәжілістің 9 депутатын халық бірлігін, қоғамдық келісім мен тұрақтылықты нығайтудың негізгі институты болып саналатын Қазақстан халқы Ассамблеясы сайлайды», - деді Имашев.


Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT