Қазақстан гуманитарлық көмек ретінде Қырғызстанға ұн жіберді

None
None
БІШКЕК. ҚазАқпарат - 29 сәуір күні Қазақстаннан гуманитарлық көмек ретінде жіберілген 800 тонна ұн Қырғыз Республикасына жеткізілді. Бұл туралы Қазақстанның Сыртқы істер министрлігінен мәлім етті, деп хабарлайды ҚазАқпарат.

Атап өтілгендей, бұл, Қырғыз еліне көрсетілетін гуманитарлық көмектің алғашқы партиясы.

Жүк барлық санитарлық-эпидемиологиялық нормалар сақтала отырып, теміржол арқылы 12 вагонмен жеткізілді.

«Қазақстан Президенті Қасым-Жомарт Тоқаев пандемияға қарсы кезеңде көрші елдерге қолдау көрсету мақсатында Қырғызстан мен Тәжікстанға жалпы сомасы 3 млн АҚШ долларынан астам қаражатқа әр елге 5 мың тонна көлемінде ұн түрінде гуманитарлық көмек беру туралы шешім қабылдағанын атап өткен жөн. Қырғызстанның Ауыл шаруашылығы, тамақ өнеркәсібі және мелиорация министрі Эркинбек Чодуевтың айтуынша, қырғыз тарапы Қазақстан Республикасының Үкіметі көрсеткен көмекті жоғары бағалайды және бауырлас қазақ халқына терең ризашылық білдіреді», - делінген СІМ ақпаратында.

Гуманитарлық көмек Қырғыз Республикасы Үкіметінің жанындағы Мемлекеттік материалдық резервтер қорының қоймасына орналастырылды.


Соңғы жаңалықтар