+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Қазақстан ғалымдары дәрі-дәрмектің дозасын дәл есептейтін ДНҚ-тест әзірледі

2020 жылғы 30 қыркүйек 09:10
Бөлісіңіз:
Қазақстан ғалымдары дәрі-дәрмектің дозасын дәл есептейтін ДНҚ-тест әзірледі

НҰР-СҰЛТАН. ҚазАқпарат – Қазақстан ғалымдары дәрі-дәрмектің жеке дозасын дәл есептейтін ДНҚ-тест әзірледі, деп хабарлайды ҚазАқпарат тілшісі.

«ҚР БҒМ Ғылым комитеті Ұлттық биотехнология орталығының ұжымдық пайдаланудағы ұлттық ғылыми зертханада биология ғылымдарының кандидаты Елена Жолдыбаеваның жетекшілігімен Қазақстанда жүрек-қан тамырлары ауруларын емдеу кезінде кеңінен тағайындалатын «Варфарин» және «Плавикс» тромболитикалық препараттарының жеке дозасын таңдауға арналған жедел ДНҚ-тест әзірленді. Әзірленген ДНҚ-тест пациенттің генетикалық талдауы негізінде дәрі-дәрмектің жеке дозасын дәл есептеуге мүмкіндік береді», - делінген Ғылым комитеті таратқан ақпаратта.

Ведомство мәліметінше, бұл препарат мөлшерден тыс дозалану қаупін айтарлықтай азайтады және тағайындалған дозаның жеткіліксіздігіне байланысты тиімсіз емді жояды.

Тест-жүйенің бірегейлігі – ол Қазақстанның кез келген диагностикалық зертханасында бар қолжетімді жабдықпен (нақты уақыт режиміндегі амплификатор) үйлеседі. Ал алыс шетелдерде осыған ұқсас жүйелер қымбат тұратын ДНҚ-чиптерді қолдану арқылы жұмыс істейді.

Қазіргі таңда ДНҚ-тест Нұр-Сұлтан қаласы ауруханаларында емделіп жатқан науқастар үшін қолданылады. Ғалымдар бүкіл Қазақстанды қамтуды және өнеркәсіптік ауқымда ДНҚ тестерін жеткізуді жоспарлап отыр.


Біздің каналымызға жазылыңыз:

Бөлісіңіз:

Автор:

Марлан Жиембай

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT