+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Қазақстан Эритреяға қарсы санкцияларды жою туралы БҰҰ ҚК-нің қарарын қолдады

2018 жылғы 16 қараша 01:22
Бөлісіңіз:
Қазақстан Эритреяға қарсы санкцияларды жою туралы БҰҰ ҚК-нің қарарын қолдады

НЬЮ-ЙОРК. ҚазАқпарат - Қазақстан Республикасы БҰҰ Қауіпсіздік Кеңесінде Эритрея еліне қарсы санкцияларды жою туралы қарарды қолдады. 2017 жылдың қаңтар айынан бастап Қазақстан Сомали мен Эритреяға қатысты БҰҰ Қауіпсіздік Кеңесінің санкциялар жөніндегі комитетінің төрағасы болып табылады, деп хабарлайды ҚазАқпарат ҚР Сыртқы істер министрлігіне сілтеме жасап.

Қазақстанның БҰҰ жанындағы Тұрақты өкілі Қайрат Омаров Африканың мүйісінде, соның ішінде Эритрея, Эфиопия, Джибути және Сомали елдеріндегі теңдессіз оң өзгерістерді атап өтті. Үстіміздегі жылдың маусым айында бүкіл әлем Эритрея мен Эфиопия арасындағы тарихи татулыққа куә болды - екі елдің басшылары саяси ерік-жігер танытып, 80 мыңнан астам адамның өмірін қиған 20 жылдық қарсыласуын тоқтатты.

Бұл оқиға аумақтық қақтығыстарға орай 10 жыл бойы бөлініп келген Эритрея мен Джибутидің жақындасуына және жоғары деңгейдегі алғашқы байланыстарға жол ашты. Екіжақты келісімдермен қатар Эритрея, Эфиопия және Сомали саяси, экономикалық, әлеуметтік және мәдени байланыстарды нығайтуға және өңірлік бейбітшілікті, қауіпсіздікті және дамуды ынталандыру жөніндегі күш-жігерлерін орнатуға келісті.

БҰҰ Қауіпсіздік Кеңесінің отырысында сөйлеген сөзінде Қ.Омаров Африканың мүйісі елдері өңірлік проблемалардың шешімдерін табуға қабілеттілігі мен табандылығын көрсеткенін атап өтті. Өңірдегі оң өзгерістерге халықаралық қоғамдастықтың қолдау көрсетуі де аса маңызды.

«Өңірдегі бейбітшілік өңірлік көшбасшылардың батыл шешімдерінің нәтижесі болды. Бұл ұзаққа созылған шиеленістердің, қақтығыстар мен бәсекелестік дәуірінің аяқталуын көрсетеді және бейбіт, өзара тиімді ынтымақтастықтың жаңа дәуіріне жол ашады», - деді Қазақстан елшісі.

«Дипломатия, делдалдық, сенімді нығайту және диалог, дамудағы инвестициялармен қатар елдер арасындағы даулы мәселелерді шешудің сенімді жолы болып табылады. Біз Джибути мен Эритрея арасындағы өзара іс-қимылды қолдаймыз және оларды екіжақты қарым-қатынастарда қалған мәселелерді шешу үшін одан әрі күш-жігер жұмсауға шақырамыз», - деп қосты Қ.Омаров.



Қазақстан Эритреяға қарсы санкцияларды алып тастау туралы шешім үшін дауыс берген кезде, өзінің Африкада бейбітшілік пен қауіпсіздікті орнатуға деген ұмтылысын басшылыққа алды. Еліміздің Қауіпсіздік Кеңесіндегі жұмысының осы бағыты Президент Нұрсұлтан Назарбаевтың БҰҰ Қауіпсіздік Кеңесіне өзінің саяси жолдауында анықтаған 7 басымдықтарының бірі болды.

БҰҰ Қауіпсіздік Кеңесінің Сомали және Эритреяға қатысты санкциялар жөніндегі комитетінің төрағасы ретінде Қазақстан Эритреядан санкцияларды алып тастау туралы Кеңес мүшелерінің шешіміне елеулі үлес қосты. Эритреяның халықаралық оқшаулану жылдары бұл елдің ресми тұлғалардың осы жылдың қыркүйек және қазан айларында Нью-Йоркте санкциялық комитеттің төрағасымен алғашқы байланыстармен аяқталды. Қазақстанның Эритреямен ынтымақтастықты нығайту жөніндегі күш-жігері осы елге қарсы 9 жылдық санкциялар режимі аяқталуының маңызды алғышарты болды.



Қазақстандық делегацияның санкциялық комитеттің басшысы ретінде атқарған жұмысының қорытындылары Қауіпсіздік Кеңес мүшелерітарапынан жоғары баға ие болды. Отырыс барысында Эритрея мен Джибути делегациялары Қазақстанға өңірдегі тұрақты бейбітшілікті орнатуға толыққанды қолдау көрсеткені үшін алғысын білдірді.

Эритреяға қарсы санкциялар 2009 жылы енгізілген болатын.

БҰҰ Қауіпсіздік Кеңесі қабылдаған қарарға қару-жарақ эмбаргосын алып тастау, жол жүруге тыйым салуды, активтерді тоқтатуды және мақсатты санкцияларды жою кіреді.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT