Қолданушы баптаулары
Қолданушы баптаулары
+7 (701) 759 90 19 Лента
USD 378.38 EUR 431.05
RUB 6.02 CNY 55.00
Jańalyqtar

Қазақстан Елшісі Өзбекстанның Үкімет басшысымен кездесті

2019 жылғы 12 маусым 03:38 575
Бөлісіңіз:
Қазақстан Елшісі Өзбекстанның Үкімет басшысымен кездесті

НҰР-СҰЛТАН. ҚазАқпарат - Қазақстанның Өзбекстандағы Елшісі Дархан Сатыбалды елдің Премьер-Министрі Абдулла Ариповпен кездесті, деп хабарлайды ҚазАқпарат СІМ сілтеме жасап.  

Ұқсас жаңалықтар
Нұрлан Нығматулин: Елбасы Өзбекстанмен ынтымақтастықтың берік негізін қалады Өзбекстанның бас консулы Түркістанға келді

Өзбекстан Үкімет басшысы екі ел арасындағы қарым-қатынастарды ілгерілетудің деңгейі мен қарқынына қанағаттанатынын білдірді.

А.Арипов Қазақстанның Тұңғыш Президенті - Елбасы Нұрсұлтан Назарбаевтың елдің қазіргі заманғы жетістіктеріне қосқан ерекше үлесін атап өтіп, Тәуелсіздік жылдарында Қазақстанның дамуына жоғары баға берді. Қазақстандағы президенттік сайлаудың қорытындыларымен құттықтап, сайлау процесінің сапалы ұйымдастырылуы мен ашықтығын атап өтті.

Өз кезегінде Қазақстан Елшісі құттықтау үшін алғысын білдіріп, ҚР Президенті сайлауының қорытындысы Өзбекстанмен жан-жақты қарым-қатынастарды одан әрі дамытуға бағытталған елдің сыртқы саяси бағытының сабақтастығын атап өтті. Өзбекстанда жүзеге асырылып жатқан ауқымды реформалар екі бауырлас елдер арасындағы жан-жақты байланыстарды кеңейтуге ықпал ететінін мәлімдеді.

Д.Сатыбалды Қазақстан-Өзбекстан қарым-қатынастарының ағымдағы жағдайы мен алдағы жоспарлары туралы қысқаша баяндап берді. Ағымдағы жылдың бірінші жартыжылдығындағы саяси екіжақты ынтымақтастықтың ауқымды қорытындыларын айта келе, ағымдағы жылдың 14-15 сәуірінде Қазақстан Президенті Қасым-Жомарт Тоқаевтың Ташкентке жасаған мемлекеттік сапарының және ү.ж. 5-7 маусымда ҚР Парламенті Мәжілісінің Төрағасы Нұрлан Нығматулиннің ресми сапарының қорытындылары маңызды мәнге ие болды. Сондай-ақ, осындай жоғары деңгейдегі сапарлар Қазақстан-Өзбекстан қарым-қатынастарының іргетасын одан әрі нығайтуға және кеңейтуге мүмкіндік беретінін атап өтті.

Сауда ынтымақтастығы мәселелерін талқылау аясында қазақстандық дипломат 2019 жылдың І-ші тоқсанының қорытындысы бойынша өзара сауда көрсеткішінің 29,3%-ға артқанын атап өтті. Сондай-ақ Қазақстан Елшісі одан әрі өсу үшін резервтердің бар екенін атап өтіп, екіжақты сауда айналымын арттыру бойынша бірлескен алгоритм жасауды, сондай-ақ Қазақстан мен Өзбекстан арасындағы екіжақты ынтымақтастық жөніндегі бірлескен үкіметаралық комиссия отырысының әлеуетін барынша пайдалануды ұсынды.

Кездесу қорытындысы бойынша тараптар ынтымақтастықты жандандыру және өзара іс-қимылдың жаңа тауашаларын айқындау жөніндегі жұмысты жалғастыруға уағдаласып, үкіметаралық комиссияның тең төрағаларының мәртебесін көтеру Қазақстан-Өзбекстан ынтымақтастығының кең ауқымды мәселелерін жедел шешуге мүмкіндік беретініне сенім білдірді.



 

 

 

Біздің каналымызға жазылыңыз:

Басты сөздер: ҚР СІМ, Өзбекстан,
Бөлісіңіз:
Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT