+7 (701) 759 90 19 Лента
USD 385.42 EUR 424.58
RUB 6.00 CNY 54.31
Jańalyqtar

Қазақстан Елшісі Германияның Федералды президентіне сенім грамотасын тапсырды

2019 жылғы 16 тамыз 21:22
Бөлісіңіз:
Қазақстан Елшісі Германияның Федералды президентіне сенім грамотасын тапсырды

БЕРЛИН. ҚазАзпарат - Астаналық «Бельвю» сарайында Қазақстанның Елшісі Дәурен Кәріпов Германия Федеративтік Республикасының Федералды президенті Франк-Вальтер Штайнмайерге салтанатты түрде сенім грамоталарын табыстады, деп хабарлайды ҚР Сыртқы істер министрлігінің баспасөз қызметі.

Ұқсас жаңалықтар
Къелл Бондевик: Мен үшін  Қасым-Жомарт Тоқаевтың реформалары аса перспективті Жанар Айтжанова Халықаралық электрбайланыс одағының Бас хатшысымен кездесті Қазақстан мен Ресей Сыртқы істер министрлері не жайында сөйлесті

Салтанатты рәсімнен кейін болған сұхбат барысында Елші Д.Кәріпов Ф.-В.Штайнмайерге Қазақстанның Президенті Қасым-Жомарт Тоқаевтың сәлемін жолдады, сондай-ақ Қазақстан-Германия саяси, экономикалық және мәдени-гуманитарлық қарым-қатынасы стратегиялық серіктестігінің жоғары деңгейде екенін атап өтті.

Қазақстандық дипломат Германия Президентіне Қазақстандағы экономиканы жаңғырту, әлеуметтік саланы дамыту және демократияландыру жөніндегі ҚР Тұңғыш Президенті – Елбасы Нұрсұлтан Назарбаевтың және мемлекет Басшысының бастамасымен жүзеге асырылып жатқан шаралардан хабардар етті.

Д.Кәріпов екіжақты байланыстардың барлық кешені бойынша мемлекетаралық қарым-қатынасты нығайту және өзара мүдделерге жауапты міндеттерді жүзеге асыруға қатысты күш-жігерді арттыру жөніндегі екі ел арасындағы ынтымақтастық тетіктерін жетілдірудің маңыздылығын атап өтті.

Неміс Президенті Қазақстанның тұрақты дамуына жоғары баға беріп, Президент Қасым-Жомарт Тоқаевтың елдегі жаңа саяси бастамаларына табыс тіледі.

Бұл тұрғыда Германияның Федералды Президенті 2017 жылы Нұр-Сұлтан қаласына жасаған сапары аясында өткен Қазақстан-Герман іскерлік кеңесі барысында екі елдің бизнес құрылымдары арасында 20-ға жуық келісімге қол қойылғанын еске алды.

Ол ҚР Президенті Қасым-Жомарт Тоқаевтың Германияға жасайтын алғашқы еуропалық сапарын биыл өткізу перспективасын қолдай отырып, екі ел үшін мемлекеттік басым салаларда Қазақстанмен жан-жақты ынтымақтастықты дамытуға деген неміс тарапының шынайы пейілін білдірді.

Кездесу соңында Ф.-В.Штайнмайер Қазақстан басшылығына достық сәлем жолдап, Елші Д.Кәріповке дипломатиялық миссиясын орындауда табыс тіледі.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT